Ի՞նչ գիրք է Աստվածաշունչը ձեզ համար

«Ամբողջ Գիրքը ներշնչված է Աստծուց» (2 Տիմոթեոս 3։16)։

Կգտնեք կյանքի կարևոր հարցերի պատասխանները (Առակներ 2։1–5)։

Կստանաք առօրյային վերաբերող իմաստուն խորհուրդներ (Սաղմոս 119։105)։

Կունենաք ապագայի իրական հույս (Հռոմեացիներ 15։4)։

Այո՛, որովհետև...

• Աստվածաշունչը չի հակասում ինքն իրեն։ Աստվածաշունչը գրվել է 1600 տարիների ընթացքում։ Գրողները մոտ 40 հոգի են եղել, որոնցից շատերը երբեք իրար չեն տեսել։ Չնայած դրան՝ գրքում ոչ մի հակասություն չկա, և այն ունի մեկ գլխավոր թեմա։

• Պատմական փաստերը աղավաղված չեն։ Պատմիչները սովորաբար չեն նշում իրենց ազգի պարտությունների մասին։ Սակայն Աստվածաշնչի գրողները ազնվորեն գրել են թե՛ իրենց ազգի, թե՛ սեփական սխալների մասին (2 Տարեգրություն 36։15, 16; Սաղմոս 51։1–4)։

• Աստվածաշնչի մարգարեությունները կատարվում են։ Բաբելոնի կործանումից մոտ 200 տարի առաջ Աստծու մարգարեն արդեն իսկ հայտնել էր այդ մասին (Եսայիա 13։17–22)։ Նա հայտնել էր նաև, թե ինչպես է դա լինելու։ Դեռ ավելին, նշել էր քաղաքը գրավողի անունը (Եսայիա 45։1–3)։

  Աստվածաշնչում կան բազմաթիվ այլ մարգարեություններ, որոնք նույնպես ամենայն մանրամասնությամբ կատարվել են։ Մի՞թե սա հենց այն չէ, ինչ կարելի է սպասել Աստծու Խոսքից (2 Պետրոս 1։21)։