Մեր պաշտոնական կայքը. թե՛ մեզ համար է, թե՛ ուրիշների
Հիսուսը պատվիրել է մեզ քարոզել Թագավորության մասին բարի լուրը «ամբողջ երկրով մեկ՝ բոլոր ազգերին վկայություն լինելու համար» (Մատթ. 24։14)։ Որպեսզի կարողանանք «ամբողջովին կատարել մեր ծառայությունը», watchtower.org, jw-media.org և jw.org ինտերնետային կայքերը միավորվել են և դարձել մեկ կայք՝ jw.org (2 Տիմոթ. 4։5)։
«Ամբողջ երկրով»։ Երկրագնդի բնակչության մոտ մեկ երրորդը օգտվում է ինտերնետից։ Այն ինֆորմացիայի հիմնական աղբյուր է դարձել շատերի և հատկապես երիտասարդների համար։ Ինտերնետից օգտվողները մեր կայքից կարող են աստվածաշնչյան հարցերի ճշմարտացի պատասխաններ ստանալ։ Այն ծանոթացնում է մարդկանց Եհովայի կազմակերպության հետ և հեշտացնում է Աստվածաշնչի անվճար տնային ուսումնասիրություն խնդրելը։ Ինտերնետի միջոցով բարի լուրը կարող է հասնել այն մարդկանց, ովքեր քիչ հնարավորություն ունեն այն լսելու։
«Բոլոր ազգերին»։ «Բոլոր ազգերին» վկայություն տալու համար աստվածաշնչյան ճշմարտությունը պետք է ներկայացնենք տարբեր լեզուներով։ jw.org կայքի այցելուները հեշտությամբ կարող են տեղեկություններ գտնել մոտ 400 լեզվով։ Ուրիշ ոչ մի ինտերնետային կայքում այդքան շատ լեզուներով տեղեկություն չի տրամադրվում։
Լավագույնս օգտվիր։ Մեր նոր կայքը միայն վկայություն տալու համար չէ։ Այն նախատեսված է նաև Եհովայի վկաների համար։ Եթե ինտերնետ ունես, ծանոթացիր jw.org կայքին։ Ստորև բերվում են առաջարկներ, թե ինչպես կարող ես օգտվել դրանից։
[գծագիր 3-րդ էջի վրա]
(Ամբողջական տեքստի համար տե՛ս հրատարակությունը)
Փորձիր այսպես
1 Մուտքագրիր www.jw.org հասցեն։
2 Ուսումնասիրիր կայքը՝ մտնելով տարբեր տեղեր։
3 Կարող ես jw.org կայք մտնել ցանկացած շարժական էլեկտրոնային սարքի միջոցով, որը ինտերնետ կապի հնարավորություն ունի։ Էջը հարմարվում է փոքր էկրանին, բայց տեղեկությունը մնում է նույնը։