ԱՐԹՈ՛ՒՆ ԵՂԵՔ
Ի՞նչ է ասում Աստվածաշունչը պատկերների երկրպագության մասին
Ըստ Catholic News Service-ի՝ 2022 թ. մարտի 25-ին՝ Սուրբ Պետրոսի տաճարում տեղի ունեցած արարողության ժամանակ, Հռոմի Պապ Ֆրանցիսկոսը կանգնել է Մարիամի արձանի առաջ, «փակել է աչքերը, խոնարհել է գլուխը և անձայն աղոթել»։ Նա «Մարիամից խաղաղություն է աղերսել»։ «Վատիկան Նյուզի» զեկույցը ավելացնում է. «Հռոմի Պապը բարեպաշտ Մարիամին աղոթել է մարդկության, հատկապես Ռուսաստանի և Ուկրաինայի համար»:
Ի՞նչ եք կարծում, արդյոք ճի՞շտ է աղոթել պատկերների առաջ կամ օգտագործել դրանք երկրպագության մեջ: Նկատի առնենք աստվածաշնչյան հետևյալ համարները.
«Քեզ համար կուռք չշինես կամ որևէ բանի կերպարանք, որ վերևում՝ երկնքում է, ներքևում՝ երկրի վրա է, կամ երկրի տակ՝ ջրերի մեջ է։ Նրանց առաջ չխոնարհվես և չծառայես նրանց, որովհետև ես՝ Եհովաս՝ քո Աստվածը, բացարձակ նվիրվածություն պահանջող Աստված եմ, որ հայրերի հանցանքների համար, ովքեր ատում են ինձ, պատժում եմ որդիներին մինչև երրորդ և չորրորդ սերունդը» (Ելք 20։4, 5)։a
«Նրանց կուռքերը արծաթ են ու ոսկի, մարդու ձեռքի գործեր։ Բերան ունեն, բայց չեն խոսում, աչքեր ունեն, բայց չեն տեսնում, ականջներ ունեն, բայց չեն լսում, քիթ ունեն, բայց հոտ չեն առնում։ Ձեռքեր ունեն, բայց չեն շոշափում։ Ոտքեր ունեն, բայց չեն քայլում, իրենց կոկորդով ձայն չեն հանում։ Դրանք շինողները դրանց պես կդառնան, և բոլոր նրանք, ովքեր դրանց են ապավինում» (Սաղմոս 115։4-8)։
«Ես Եհովան եմ։ Սա է իմ անունը։ Ես իմ փառքը ոչ ոքի չեմ տա, ոչ էլ ինձ պատկանող գովքը՝ կուռքերին» (Եսայիա 42։8)։
«Փախեք կռապաշտությունից» (1 Կորնթացիներ 10։14)։
«Հեռու պահեք ձեզ կուռքերից» (1 Հովհաննես 5։21)։
Երկրպագության մեջ պատկերներ գործածելու մասին հավելյալ տեղեկությունների համար կարդա «Աստվածաշնչի տեսակետը. պատկերներ» հոդվածը կամ դիտիր «Աստծուն հաճելի՞ է, որ իրեն պաշտենք պատկերների միջոցով» տեսանյութը։
Ձեզ գուցե նաև հետաքրքրի ներքոհիշյալ թեմաների մասին Աստվածաշնչի տեսակետը։
«Հրաշքներն ու տեսիլքները Աստծո՞ւց են» (անգլ.)
Photo credit: Vincenzo Pinto/AFP via Getty Images
a Աստծու անունը Եհովա է (Սաղմոս 83։18)։ Տես «Ո՞վ է Եհովան» հոդվածը։