Հավատ զորացնող տեսիլք

9։1–7

Պատկերացրու՝ ինչ զգաց Հիսուսը, երբ իր այլակերպության ժամանակ իր երկնային Հայրն ասաց, որ հավանում է իրեն։ Անկասկած, դա շատ զորացրեց Հիսուսին և օգնեց, որ նա պատրաստ լիներ դիմանալու այն տառապանքներին, որ կրելու էր։ Այս տեսիլքը մեծ ազդեցություն գործեց նաև Պետրոսի, Հակոբոսի և Հովհաննեսի վրա։ Դա հավաստիացրեց նրանց, որ Հիսուսն իսկապես Մեսիան է, և իրենք ճիշտ են վարվում, որ լսում են նրան։ Մոտ 32 տարի անց Պետրոսը դեռ հիշում էր այդ տեսիլքը և այն, թե ինչպես էր դա զորացրել իր հավատը «մարգարեական խոսքի» հանդեպ (2Պտ 1։16–19)։

Թեպետ մենք ականատես չենք եղել այդ ազդեցիկ տեսիլքին, սակայն ներկայումս տեսնում ենք դրա կատարումը։ Հիսուսն այսօր իշխում է որպես հզոր Թագավոր։ Շուտով նա «մինչև վերջ հաղթելու է»՝ ճանապարհ բացելով դեպի արդար նոր աշխարհ (Հտն 6։2)։

Ինչպե՞ս է հավատդ զորանում, երբ տեսնում ես աստվածաշնչյան մարգարեությունների կատարումը։