Աստվածային սիրո օրինակը

1. Եհովան սիրո չքնաղ օրինակ է.

Սերն է վառ և անմար։

Ցոլաց գործերում. ասես արեգակ է։

Հայրն է տիպար միշտ մեզ համար։

Զոհել է Որդուն, տվել է փրկանքը,

Մեղքից ազատել, ներել մեր հանցանքը։

Ի՜նչ մեծ է, անհուն՝ Աստծու գորովանքը։

Սեր է ճամփան, նրա այդ ճամփան։

2. Յահի պես լինենք. վառվի թող մեր սերը

Հուր բոցով, նոր բոցով։

Միմյանց կարեկցենք և տանք մեր սրտերը՝

Հոգ տանելով և օգնելով։

Սիրենք թե՛ Աստծուն և թե՛ մեր եղբորը։

Ձգտենք նմանվել սիրով լի մեր Հորը։

Ներենք ի սրտե. լսենք այս հորդորը։

Սերը փաստենք. իրար միշտ պատվենք։

3. Սիրով միացած մեր մեծ ընտանիքն է

Գանձ ընտիր, ծով անծիր։

Մեզ Յահն է կանչում. սա մեր Հոր բարիքն է.

«Եկ, ճաշակիր ու վայելիր»։

Պարգև է չքնաղ՝ մեր սերն ու բերկրանքը։

Սուրբ Խոսքն ու ոգին փոխում են մեր կյանքը։

Մենք հաշտ ենք ու ջերմ. շողում է հրճվանքը։

Սեր է Աստված՝ հավետ նվիրված։