16 “Ụdị oge a echi, m ga-ezitere gị otu nwoke si n’ala Benjamin.+ Tee ya mmanụ ka ọ bụrụ onye ndú ndị m Izrel.+ Ọ ga-anapụtakwa ndị m n’aka ndị Filistia. N’ihi na ahụla m ahụ́ a na-emekpa ndị m. Anụkwala m ákwá ha na-ebe.”+ 17 Mgbe Samuel hụrụ Sọl, Jehova sịrị ya: “Onye a bụ nwoke ahụ m gwara gị maka ya, sị, ‘Ọ bụ onye a ga-achị ndị m.’”+

24 Samuel wee gwa ndị Izrel niile, sị: “Lekwanụ onye Jehova họọrọ.+ O nweghị onye dị ka ya n’ime mmadụ niile.” Mmadụ niile wee malite iti mkpu, sị: “Eze, ị ga-adị ogologo ndụ!”