2 Cronicas

32 Kalpasan dagitoy a banag ken daytoy matalek a turongen+ immay ni Senaquerib+ nga ari ti Asiria+ ket sinerrekna ti Juda ken nagpakarso maibusor kadagiti nasarikedkedan a siudad,+ ket pinampanunotna a tagikuaen ida babaen iti panangraut.

2 Idi a nakita ni Ezekias a ni Senaquerib immay a situturong ti rupana+ iti pannakigubat iti Jerusalem, 3 iti kasta inkeddengna agraman dagiti prinsipena+ ken dagiti nabileg a lallakina a pasardengenda ti dandanum dagiti ubbog nga adda idi iti ruar ti siudad;+ ket ngarud tinulonganda. 4 Gapuna adu nga umili ti naummong a sangsangkamaysa, ket pinasardengda dagiti amin nga ubbog ken ti karayan+ nga agayus a lumasat iti tengnga ti daga, a kunkunada: “Apay koma nga umay ti ar-ari ti Asiria ket pudno a makasarakda iti adu a danum?”

5 Kanayonanna pay, bimmileg ket binangonna ti isuamin a narba a pader+ ket nagipatakder kadagiti torre+ iti rabaw dayta, ket iti ruar sabali pay a pader,+ ket tinarimaanna ti Muntuon+ ti Siudad ni David, ket nangaramid iti naruay a pika+ ken kalasag.+ 6 Ket nangisaad kadagiti panguluen ti militar+ a mamangulo kadagiti umili ket inummongna ida kenkuana idiay publiko a plasa+ ti ruangan ti siudad ket nagsao iti pusoda,+ a kunkunana: 7 “Bumilegkayo ken pumigsakayo.+ Dikay agbuteng+ wenno uray agkullayaw+ gapu iti ari ti Asiria+ ken maigapu iti intero a bunggoy a naikuyog kenkuana;+ ta kadatayo adda ad-adu ngem iti adda kenkuana. 8 Kenkuana adda takiag a lasag,+ ngem adda kadatayo ni Jehova a Diostayo a tumulong kadatayo+ ken mangirupak kadagiti bakaltayo.”+ Ket rinugian dagiti umili nga isadag ti bagbagida iti sasao ni Ezekias nga ari ti Juda.+

9 Kalpasan idi daytoy a ni Senaquerib+ nga ari ti Asiria imbaonna dagiti adipenna idiay Jerusalem, bayat nga isu adda idiay Laquis+ ken ti isuamin a pannakabalin ti imperiona a naikuyog kenkuana,+ a mapan ken Ezekias nga ari ti Juda ken kadagiti amin a taga Judea nga adda idiay Jerusalem, a kunkunana:

10 “Daytoy ti kinuna ni Senaquerib nga ari ti Asiria,+ ‘Iti ania aya ti pagtaltalkanyo bayat nga agtugtugawkayo a siuulimek iti sidong ti pannakalakub iti Jerusalem?+ 11 Saan aya a guyguyugoyennakayo+ ni Ezekias+ tapno iyawatnakayo a matay gapu iti nakaro a bisin ken gapu iti waw, a kunkunana: “Ni met laeng Jehova a Diostayo ispalennatayto manipud dakulap ti ari ti Asiria”?+ 12 Saan aya a ni met laeng Ezekias ti nangikkat kadagiti nangato a dissona+ ken kadagiti altarna+ ket kalpasanna kinunana iti Juda ken iti Jerusalem: “Iti sanguanan ti maymaysa nga altar+ rebbeng nga agruknoykayo+ ket iti rabawna rebbeng a mangpataudkayo iti asuk a sakripisio”?+ 13 Saanyo aya nga ammo no ania ti inaramidko ken dagidi ammak kadagiti amin nga ili ti dagdaga?+ Ti didios+ dagiti nasion ti dagdaga nabaelanda aya nga ispalen ti dagada manipud imak? 14 Siasino kadagiti amin a didios dagitoy a nasion nga impaay dagidi ammak iti pannakadadael ti nakabael a mangispal iti ilina manipud imak, iti kasta ti Diosyo kabaelannakayto nga ispalen manipud imak?+ 15 Ket ita dikay bay-an nga allilawennakayo+ ni Ezekias wenno guyugoyennakayo+ a kas iti daytoy ket dikay maaddaan iti pammati kenkuana, ta awan ti dios ti aniaman a nasion wenno pagarian a nakabael a mangispal iti ilina manipud imak ken manipud ima dagidi ammak. Anian nga ad-adda pay, ngarud, a ti bukodyo a Dios saannakayto a maispal manipud imak!’”+

16 Ket nagsao nga ad-adda pay dagiti adipenna maibusor ken Jehova a pudno a Dios+ ken maibusor ken Ezekias nga adipenna. 17 Nagsurat pay iti sursurat+ tapno umsienna ni Jehova a Dios ti Israel+ ken tapno agsao a maibusor kenkuana, a kunkunana: “Kas iti didios+ dagiti nasion ti dagdaga a saan a nangispal iti ilida manipud imak,+ kasta met a ti Dios ni Ezekias saannanto nga ispalen ti ilina manipud imak.” 18 Ket immaw-awagda+ buyogen ti natbag a timek+ iti pagsasao dagiti Judio+ kadagiti umili ti Jerusalem nga adda idi iti rabaw ti pader, tapno pagbutngen ida+ ken tapno riribuken ida, tapno iti kasta makautiboda ti siudad. 19 Ket nagsaoda maibusor+ iti Dios ti Jerusalem+ iti isu met laeng a wagas kas maibusor iti didios dagiti ili ti daga, ti aramid ti im-ima ti tao.+ 20 Ngem ni Ezekias+ nga ari ken ni Isaias+ nga anak ni Amoz,+ ti mammadto,+ nagkarkararagda gapu itoy+ ken nagpukpukkawda iti langlangit maipaay iti tulong.+

21 Ket nangibaon ni Jehova iti maysa nga anghel+ ket pinunasna ti tunggal maingel, nabileg a lalaki+ ken manangidaulo ken panguluen iti pakarso ti ari ti Asiria,+ iti kasta isu nagsubli nga addaan sibabain a rupa iti bukodna a daga. Idi agangay simrek iti balay ti diosna ket sadiay dagidiay rimmuar iti bukodna a makin-uneg a paspaset impasagda isuna babaen ti kampilan.+ 22 Iti kasta ni Jehova insalakanna ni Ezekias ken dagiti agnanaed iti Jerusalem manipud ima ni Senaquerib nga ari ti Asiria+ ken manipud ima ti amin a sabsabali ket impaayanna ida iti inana iti intero nga aglikmut.+ 23 Ket adu idi ti nangyeg iti sagsagut+ ken Jehova idiay Jerusalem ken napili a bambanag ken Ezekias nga ari ti Juda,+ ket naitan-ok+ iti imatang dagiti amin a nasion kalpasan dayta.

24 Kadagidi nga aldaw nagsakit ni Ezekias agingga a nganngani matayen,+ ket rinugianna ti agkararag+ ken Jehova. Gapuna Isu nagsao kenkuana,+ ket Isu nangted kenkuana iti maysa a tanda.+ 25 Ngem maitunos iti pagimbagan a naipaay kenkuana saan a nagsubad ni Ezekias,+ ta timmangsit ti pusona+ ket naadda ti rurod+ maibusor kenkuana ken maibusor iti Juda ken Jerusalem. 26 Nupay kasta, impakumbaba ni Ezekias+ ti bagina gapu iti kinatangsit ti pusona, isu ken dagiti agnanaed iti Jerusalem, ket ti rurod ni Jehova saan a dimteng kadakuada iti kaaldawan ni Ezekias.+

27 Ket naaddaan ni Ezekias iti kinabaknang ken dayag iti dakkel unay a kaadu;+ ket inyaramidanna ti bagina kadagiti kamalig maipaay iti pirak ken maipaay iti balitok+ ken maipaay iti napateg a batbato+ ken maipaay iti lana ti balsamo+ ken maipaay kadagiti kalasag+ ken maipaay iti amin a matarigagayan nga ar-aruaten;+ 28 ken kasta met kadagiti lugar a pagidulinan+ maipaay iti apit a bukbukel ken baro nga arak+ ken lana, ken kasta met kadagiti kuadra+ a maipaay iti amin a nadumaduma a kita ti an-animal ken kadagiti kuadra maipaay kadagiti pangen. 29 Ket nanggun-od maipaay kenkuana kadagiti siudad, ken kasta met iti naruay a dinguen ti arban+ ken ti pangen;+ ta inikkan ti Dios iti adu unay a sanikua.+ 30 Ket ni Ezekias isu ti nangpasardeng+ iti makinngato nga ubbog ti dandanum+ ti Gihon+ ket pinagtalinaedna ida a naiturong nga agtartarus a bumaba nga agpalaud agingga iti Siudad ni David,+ ket ni Ezekias nagtultuloy a naballigi iti tunggal aramidna.+ 31 Ket kasta idi a babaen kadagiti pannakangiwat ti piprinsipe ti Babilonia+ a naibaon kenkuana+ tapno agimtuodda maipapan iti tanda+ a napasamak iti daga, isu binaybay-an ti pudno a Dios+ tapno subokenna,+ tapno maammuanna ti isuamin nga adda iti pusona.+

32 No maipapan iti dadduma pay kadagiti pasamak+ ni Ezekias ken dagiti aramidna a naayat a kinamanangngaasi,+ sadiay naisuratda iti sirmata ni Isaias a mammadto, ti anak ni Amoz,+ iti Libro+ ti Ar-ari ti Juda ken Israel. 33 Kamaudiananna nakikaidda ni Ezekias kadagidi ammana,+ ket intabonda iti sasang-atan nga agturong kadagiti lugar a pagitabonan ti annak ni David;+ ket dayaw ti impaay kenkuana ti isuamin a Juda ken dagiti agnanaed iti Jerusalem idi natay.+ Ket ni Manases+ nga anakna nangrugi nga agturay a mangsandi kenkuana.