Lucas

12 Kabayatanna, idi a ti bunggoy nakapaguurnongen a sangsangkamaysa iti nakaad-adu a ribu nga iti kasta mapayatpayatda ti maysa ken maysa, nangrugi babaen iti panagkunana nga umuna kadagiti adalanna: “Siputanyo ti lebadura+ dagiti Fariseo, nga isu ti panaginsisingpet.+ 2 Ngem awan ti siaannad a naitalimeng a saanto a maipalgak, ken palimed a saanto a maammuan.+ 3 Gapuna ti aniaman a bambanag a sawenyo iti sipnget mangngegto iti lawag, ket ti iyarasaasyo iti pribado a silsiled maikaskasabanto manipud kadagiti tuktok ti balay.+ 4 Mainayon pay, kunak kadakayo, gagayyemko,+ Dikay pagbutngan dagidiay mangpapatay iti bagi ket kalpasan daytoy saanda a kabaelan nga aramiden ti aniaman pay a banag.+ 5 Ngem ipasimudaagko kadakayo no asino ti pagbutnganyo: Pagbutnganyo+ daydiay a kalpasan a mangpapatay addaan autoridad a mangitapuak idiay Gehenna.+ Wen, ibagak kadakayo, pagbutnganyo+ Daytoy. 6 Saan kadi a ti lima a billit-tuleng mailako iti dua a sinsilio a bassit ti pategna? Kaskasdi awan uray maysa kadakuada ti malipatan iti sanguanan ti Dios.+ 7 Ngem uray dagiti buok+ ti ul-uloyo nabilang aminen. Dikay agbuteng; napatpategkayo ngem iti adu a billit-tuleng.+

8 “Ngarud, kunak kadakayo, Tunggal maysa a mangipudno+ iti pannakikaykaysa kaniak iti sanguanan dagiti tattao, ti Anak ti tao ipudnonanto met ti pannakikaykaysa kenkuana iti sanguanan dagiti anghel ti Dios.+ 9 Ngem ti mangtallikud+ kaniak iti sanguanan dagiti tattao mapaglikudanto iti sanguanan dagiti anghel ti Dios.+ 10 Ket tunggal maysa nga agsao iti maysa a sao a maibusor iti Anak ti tao, mapakawanto dayta kenkuana; ngem ti agtabbaaw a maibusor iti nasantuan nga espiritu saanto a mapakawan.+ 11 Ngem inton isaklangdakayo iti sanguanan dagiti gimong ti publiko ken dagiti opisial ti gobierno ken dagiti agtuturay, dikay maringgoran no kasano wenno no ania ti sawenyonto kas depensa wenno no ania ti kunaenyonto;+ 12 ta ti nasantuan nga espiritu+ isuronanto kadakayo iti dayta met laeng nga oras ti bambanag a rebbeng a sawenyo.”+

13 Idin kinuna kenkuana ti maysa iti bunggoy: “Mannursuro, ibagam iti kabsatko nga ibingayannak iti tawid.” 14 Kinunana kenkuana: “Tao, asino ti nangdutok kaniak nga ukom+ wenno a mangapag-apag maipaay kadakayo?” 15 Idin kinunana kadakuada: “Pagtalinaedenyo a silulukat dagiti matayo ket agaluadkayo iti tunggal kita ti kinaagum,+ agsipud ta uray no addaan kinaruay ti maysa a tao ti biagna saan nga agtaud iti bambanag nga ik-ikutanna.”+ 16 Iti kasta nagsao kadakuada iti maysa a pangngarig, a kunkunana: “Ti daga ti maysa a nabaknang a tao nagbunga a naimbag. 17 Gapu itoy nangrugi a mangirason iti bagina, a kunkunana, ‘Ania ti aramidek, ita ta awanen lugar a pangurnongak kadagiti apitko?’ 18 Gapuna kinunana, ‘Aramidekto daytoy:+ Rakrakekto dagiti kamaligko ket mangbangonak iti daddadakkel, ket sadiay urnongekto ti amin a bukbukelko ken ti amin a naimbag a bambanagko;+ 19 ket kunaekto+ iti kararuak: “Kararua, addaanka iti adu a naimbag a banag a naidulin maipaay iti adu a tawen; agnam-ayka, manganka, uminumka, agragragsakka.”’+ 20 Ngem kinuna kenkuana ti Dios, ‘Maysa a di nainkalintegan, iti daytoy a rabii kalikagumanda kenka ti kararuam.+ Asino, ngarud, ti agtagikua iti bambanag nga impempenmo?’+ 21 Kasta ti mapasamak iti tao nga agurnong iti gameng maipaay iti bagina ngem saan a nabaknang iti Dios.”+

22 Kalpasanna kinunana kadagiti adalanna: “Gapu itoy kunak kadakayo, Sumardengkayo a maringgoran maipapan kadagiti kararuayo no anianto ti kanenyo wenno maipapan iti bagbagiyo no anianto ti ikawesyo.+ 23 Ta ti kararua napatpateg ngem iti taraon ken ti bagi ngem iti pagan-anay. 24 Paliiwenyo a nalaing a dagiti wak+ saanda nga agmula iti bin-i wenno uray agani, ket awananda iti kamarin wenno uray kamalig, ket kaskasdi taraonan ida ti Dios. Anian a napatpategkayo pay ngem dagiti tumatayab?+ 25 Asino kadakayo nga iti panagbalinna a maringgoran manayonanna iti maysa a kasiko ti kaatiddog ti biagna?+ 26 Ngarud, no saanyo a kabalinan nga aramiden ti kabassitan a banag, apay a maringgorankayo+ maipapan iti nabatbati a bambanag? 27 Paliiwenyo a nalaing no kasano a dumakkel dagiti lirio;+ saanda nga agbannog wenno uray mambi; ngem ibagak kadakayo, Uray ni Solomon iti isuamin a dayagna saan a nakawesan a kas iti maysa kadagitoy.+ 28 Ita, no ti Dios kawesanna a kasta dagiti mula iti talon nga adda ita nga aldaw ket inton bigat maipuruak iti urno, anian nga ad-adda pay a kawesannakayto, dakayo a bassitan iti pammati!+ 29 Gapuna sumardengkayon a mangsapsapul no ania koma ti kanenyo ken no ania koma ti inumenyo, ket sumardengkayon a maringringgoran unay;+ 30 ta amin dagitoy isuda ti bambanag a sigagagar a sapsapulen dagiti nasion iti lubong, ngem ni Amayo ammona a kasapulanyo dagitoy a banag.+ 31 Nupay kasta, agtultuloy a sapulenyo ti pagarianna, ket dagitoy a banag mainayonto kadakayo.+

32 “Dikay agbuteng,+ bassit nga ipastoran,+ agsipud ta inanamongan ni Amayo ti panangited kadakayo ti pagarian.+ 33 Ilakoyo+ ti bambanag a kukuayo ket mangtedkayo kadagiti sagut ti asi.+ Agaramidkayo kadagiti supot a di marunot maipaay iti bagbagiyo, maysa a saan a pulos mapukaw a gameng iti langlangit,+ a sadiay ti mannanakaw di makaasideg ket ti sanga saan met a mangibus. 34 Ta no sadino ti ayan ti gamengyo, sadiayto met ti ayan ti puspusoyo.+

35 “Mabariksan koma dagiti lomoyo+ ken sigagangat dagiti pagsilawanyo,+ 36 ket dakayo agbalinkayo a kas kadagiti tattao nga agur-uray iti apoda+ inton agsubli manipud iti kasar,+ tapno iti idadatengna ken panagtuktokna+ madagdagus nga ilukatanda. 37 Naragsak dagidiay adipen nga iti idadateng ti apoda masarakanna ida nga agbambantay!+ Pudno kunak kadakayo, Bariksannanto+ ti bagina ket pagsadagenna ida iti panganan ket umasidegto ket agserbi kadakuada.+ 38 Ket no dumteng iti maikadua a panagbantay, uray no iti maikatlo, ket masarakanna ida a kasta, naragsakda!+ 39 Ngem ammuenyo daytoy, a no ti bumalay naammuanna koma no iti ania nga oras nga umay ti mannanakaw, nagtultuloy koma a nagbantay ket saanna koma a binaybay-an a maserrek ti balayna.+ 40 Dakayo met, agtalinaedkayo a nakasagana, agsipud ta iti oras a saanyo nga ipagpagarup umay ti Anak ti tao.”+

41 Idin kinuna ni Pedro: “Apo, sasawem kadi daytoy a pangngarig kadakami wenno kasta met iti isuamin?” 42 Ket kinuna ti Apo: “Asino a pudpudno ti matalek a mayordomo,+ daydiay masirib,+ a dutokanto ni apona iti bagi dagiti agserserbi kenkuana tapno agtultuloy nga ipaayanna ida ti bingayda nga abasto a taraon iti umiso a tiempo?+ 43 Naragsak dayta nga adipen, no iti idadateng ni apona masarakanna nga ar-aramidenna ti kasta!+ 44 Ibagak kadakayo a sipupudno, Dutokannanto kadagiti amin a sanikuana.+ 45 Ngem no dayta nga adipen kunaennanto iti pusona, ‘Ni apok agtaktak nga umay,’+ ket rugianna a kabilen dagiti adipen a lallaki ken dagiti adipen a babbai, ket mangan ken uminum ken agbartek,+ 46 ti apo dayta nga adipen umayto iti aldaw a saanna nga in-inanamaen isuna ken iti oras a saanna nga ammo,+ ket dusaennanto iti kakaruan unay ket tudingannanto iti bingay a maikanunong kadagiti di matalek.+ 47 Kalpasanna dayta adipen a nakatarus iti pagayatan ni apona ngem saan a nagsagana wenno nagaramid maitunos iti pagayatanna mabautto iti mamin-adu.+ 48 Ngem ti maysa a saan a nakatarus+ ket iti kasta nagaramid iti bambanag a maikari kadagiti saplit mabautto iti sumagmamano.+ Kinapudnona, tunggal maysa a naikkan iti adu, adunto ti makalikaguman+ kenkuana; ket daydiay insaad dagiti tattao nga agaywan iti adu, kalikagumandanto kenkuana ti ad-adu ngem iti gagangay.+

49 “Immayak a mangirugi iti apuy+ ditoy daga, ket ania pay ti tarigagayak no napasgedan daytan? 50 Kinapudnona, addaanak iti pammautisar a pakabautisarak, ket anian ti panagrigrigatko agingga a malpas dayta!+ 51 Pagarupenyo kadi nga immayak mangted ti talna ditoy daga? Ay, saan, ibagak kadakayo, no di ket pannakabingbingay.+ 52 Ta manipud itan addanto lima a nabingbingay iti maysa a balay, tallo maibusor iti dua ken dua maibusor iti tallo.+ 53 Mabingbingaydanto, ama maibusor iti anak a lalaki ken anak a lalaki maibusor iti ama, ina maibusor iti anak a babai ken anak a babai maibusor iti inana, katugangan-a-babai maibusor iti manugangna-a-babai ken manugang-a-babai maibusor iti katuganganna-a-babai.”+

54 Idin kinunana met kadagiti bunggoy: “No makakitakayo iti ulep a tumtumpuar kadagiti makinlaud a paset, dagus a kunaenyo, ‘Um-umay ti bagyo,’ ket agbanag a kasta.+ 55 Ket no makitayo a ti angin nga abagat agpuypuyupoy, kunaenyo, ‘Addanto nakaro a pudot,’ ket mapasamak dayta. 56 Managinsisingpet, ammoyo no kasano a lasinen ti makinruar a langa ti daga ken ti tangatang, ngem kasano a saanyo nga ammo no kasano a lasinen daytoy a mismo a tiempo?+ 57 Apay a saankayo nga agipato met iti bagbagiyo no ania ti nalinteg?+ 58 Kas pagarigan, no mapmapanka iti maysa nga agturay a kaduam ti kabusormo iti linteg, rugiam ti umagawa, bayat nga addakayo iti dalan, tapno ilapsutmo ta bagim iti supiat kenkuana, tapno saannakanto a pulos isaklang iti sanguanan ti ukom, ket ti ukom iyawatnaka iti opisial ti pangukoman, ket ti opisial ti pangukoman ipisoknaka iti pagbaludan.+ 59 Kunak kenka, Sigurado a saankanto a makaruar manipud sadiay agingga a mabayadam ti kamaudianan a bassit a sinsilio a nababa unay ti pategna.”+