6 Adda dagidiay sibubuslon nga agiruruar iti balitok manipud iti supot, ket babaen ti kakatian bagtingenda ti pirak. Mangtangdanda iti managobra iti metal, ket pagbalinenna dayta a maysa a dios.+ Iruknoyda ti bagbagida, wen, agrukobda.+

9 Ti pirak a napitpit a napagbalin a platplata isu ti maiyeg manipud a mismo iti Tarsis,+ ken balitok manipud Ufaz,+ ti gapuanan ti nasigo a trabahador ken dagiti ima ti managobra iti metal; ti pagan-anayda ket asul a sinulid ken delana a natinaan iti lumabaga a purpura. Gapuanan amin ida ti nasigo a tattao.+