15 “‘Dikay agaramid iti di kinahustisia iti panangukom. Dika tratuen ti nanumo buyogen ti panangidumduma,+ ket dika paboran ti kinatao daydiay naindaklan.+ Rebbeng nga ukomem ti katimpuyogmo buyogen ti kinahustisia.

18 “Mangisaadka maipaay kenka iti uk-ukom+ ken op-opisial+ iti uneg dagiti amin a ruanganmo nga ited kenka ni Jehova a Diosmo sigun kadagiti tribum, ket masapul nga ukomenda dagiti umili iti nalinteg a panangukom.

17 Sursuruenyo ti agaramid iti naimbag;+ birokenyo ti kinahustisia;+ ilintegyo ti manangirurumen;+ mangukomkayo a maipaay iti awan amana nga ubing;+ irupiryo ti kalintegan ti balo a babai.”+

12 O balay ni David,+ daytoy ti kinuna ni Jehova: “Tunggal bigat+ mangipaayka iti sentensia a buyogen ti hustisia,+ ket daydiay mataktakawan ispalem iti ima ti manangsaur,+ tapno ti pungtotko saan koma a rummuar a kas iti apuy+ ket pudno a sumged ket awan ti makaiddep iti dayta gapu iti kinadakes dagiti pannakilangenyo.”’+

7 Kenka inumsida ti ama ken ina.+ Iti tengngam sinaurda ti ganggannaet nga agnanaed.+ Kenka inrurumenda ti awan amana nga ubing ken ti balo a babai.”’”+

29 Dagiti met laeng umili iti daga intungpalda ti gandat a panangsaur+ ket nangaramidda iti panangalat-at iti panagtakawda,+ ket inrurumenda daydiay naparigatan ken daydiay napanglaw,+ ket ti ganggannaet nga agnanaed sinaurda nga awanan kinahustisia.’+

2 Ket nangtarigagayda kadagiti talon ket inagawda ida;+ kasta met iti balbalay, ket innalada ida; ket nangsaurda iti nabaneg a lalaki ken ti sangakabbalayanna,+ iti maysa a lalaki ken ti pagtatawidan a sanikuana.+

9 “Daytoy ti kinuna ni Jehova ti buybuyot, ‘Buyogen ti pudno a kinahustisia mangukomkayo;+ ket aramidenyo iti maysa ken maysa ti naayat a kinamanangngaasi+ ken as-asi;+