33 Nagsikog manen ket nangyanak iti lalaki sa kinunana: “Inted met kaniak ni Jehova daytoy nga anak ta dinengngegnak, gapu ta saanak unay a maipatpateg.” Iti kasta, pinanagananna iti Simeon.*+ 34 Nagsikog manen ket nangyanak iti lalaki sa kinunana: “Mabalin a tumiponton kaniak ti asawak ta inikkak iti tallo nga annak.” Isu a napanaganan dayta iti Levi.*+

23 Ti annakna ken Lea ket ni Ruben nga inauna,+ ni Simeon, Levi, Juda, Isacar, ken Zabulon.