25 “Ibagam ken Aaron ken kadagiti annakna, ‘Daytoy ti linteg maipapan iti daton gapu iti basol:+ Maparti iti sanguanan ni Jehova ti daton gapu iti basol iti disso a pagpartian iti daton a mapuoran.+ Nasantuan unay daytoy. 26 Kanento daytoy ti padi a mangidatag iti daton gapu iti basol.+ Makan daytoy iti nasantuan a disso, iti paraangan ti tolda a pagkonsultaan.+

14 Sika ken dagiti annakmo a lallaki ken babbai+ kanenyonto ti barukong ti daton a mailili ken ti luppo ti sagrado a bingay+ iti nadalus a disso. Naited daytoy kenka ken kadagiti annakmo a lallaki kas bingayyo manipud kadagiti daton a pakikappia nga ipaay dagiti Israelita.

8 Kinuna pay ni Jehova ken ni Aaron: “Sika ti pangitalkak kadagiti kontribusion a naited kaniak.+ Intedko kenka ken kadagiti annakmo ti dadduma a paset ti amin a nasantuan a banag nga inted dagiti Israelita kas bingayyo iti agnanayon.+