22 “‘No agkamalikayo ken saanyo a masurot amin dagitoy a bilin nga imbaga ni Jehova ken ni Moises, 23 wen, amin nga imbilin ni Jehova babaen ken Moises manipud iti aldaw a panangibilin ni Jehova ken agtultuloy agingga kadagiti sumaruno a henerasionyo, 24 ken no saan nga ammo ti intero nga Israel daytoy a kamali, masapul a mangtedda iti maysa nga urbon a kalakian a baka kas daton a mapuoran a makaay-ayo* ti banglona ken Jehova a mapakuyogan iti daton a bukbukel ken daton nga inumen maitunos iti naibilin,+ ken maysa nga urbon a kalding kas daton gapu iti basol.+