8 Tulongak ida ken isalakanko ida manipud kadagiti Egipcio+ ken iruarko ida iti dayta a lugar ket ipanko ida iti nasayaat ken nalawa a daga a pagay-ayusan ti gatas ken diro,+ ti lugar dagiti Canaanita, Heteo, Amoreo, Perizeo, Heveo, ken Jebuseo.+

24 Gapuna, kinunak kadakayo: “Tagikuaenyonto ti dagada, ket itedkonto dayta kas sanikuayo, maysa a daga a pagay-ayusan ti gatas ken diro.+ Siak ni Jehova a Diosyo, a nangisina kadakayo kadagiti nasion.”+