20 Insungbat kadakuada ni Moises: “No aramidenyonto daytoy: Agsaganakayo a makigubat iti sanguanan ni Jehova;+ 21 ket no agsagana a makigubat ti tunggal maysa kadakayo ken bumallasiwkayo iti Jordan iti sanguanan ni Jehova bayat a pagtalawenna dagiti kabusorna+ 22 agingga a maparmek ti daga iti sanguanan ni Jehova,+ mabalinyonto ti agsubli+ ket saankayto a makabasol ken Jehova ken iti Israel. Iti kasta, agbalinto a sanikuayo daytoy a daga iti sanguanan ni Jehova.+

22 Kalpasanna, pinaayaban ni Josue dagiti Rubenita, Gadita, ken ti kagudua ti tribu ni Manases 2 ket kinunana kadakuada: “Inaramidyo amin nga imbilin kadakayo ni Moises nga adipen ni Jehova,+ ket tinungpalyo ti amin nga imbilinko kadakayo.+ 3 Pulos a diyo binaybay-an dagiti kakabsatyo agingga ita;+ ket kanayon a tinungpalyo ti bilin ni Jehova a Diosyo.+ 4 Ket ita, pinagbalin ni Jehova a Diosyo a natalna ti kasasaad dagiti kakabsatyo, kas iti inkarina kadakuada.+ Mabalinyon ti agsubli kadagiti toldayo iti daga nga inted kadakayo ni Moises nga adipen ni Jehova iti bangir* ti Jordan.+