• Exodo 15:14-16
    Baro a Lubong a Patarus ti Nasantuan a Kasuratan

    • 14 Masapul a mangngeg dagiti nasion+ ket agpigergerdanto gapu iti buteng;

      Kasta unay ti pannakariribukto* dagiti agnanaed iti Filistia.

      15 Iti dayta a tiempo, agbutengto dagiti shik* iti Edom,

      Ken agpigerger dagiti nabileg nga agtuturay iti Moab.+

      Agkapsutto ti amin nga agnanaed iti Canaan.+

      16 Mabuteng ken maamakdanto.+

      Gapu iti mannakabalin a takiagmo, saandanto a makakuti a kas iti bato

      Agingga a lumasat dagiti tattaom, O Jehova,

      Agingga a lumabas dagiti tattao a pinarsuam.+

  • Josue 2:9-11
    Baro a Lubong a Patarus ti Nasantuan a Kasuratan

    • 9 Kinunana: “Masiguradok nga itedto ni Jehova kadakayo ti dagami+ isu a mabutengkami kadakayo.+ Agkakapsut aminen dagiti umili gapu iti butengmi kadakayo,+ 10 ta nadamagmi no kasano a binisngay ni Jehova ti Nalabaga a Baybay tapno makapagnakayo iti namaga a lansadna idi pimmanawkayo idiay Egipto.+ Naammuanmi met ti inaramidyo iti dua nga ari dagiti Amoreo a da Sihon+ ken Og+ a pinapatayyo iti bangir* ti Jordan. 11 Nagbutengkami* idi nangngegmi dayta ket awanen ti turedmi a lumaban* kadakayo, ta ni laeng Jehova a Diosyo ti Dios ti langit ken ti daga.+

  • Josue 5:1
    Baro a Lubong a Patarus ti Nasantuan a Kasuratan

    • 5 Pinasardeng ni Jehova ti ayus ti Jordan iti sanguanan dagiti Israelita agingga a nakaballasiwda. Idi nadamag ti amin nga ar-ari dagiti Amoreo+ iti laud* ti Jordan ken ti amin nga ar-ari dagiti Canaanita+ nga adda iti igid ti baybay, nagbutengda*+ ken awanen ti turedda* gapu kadagiti Israelita.+