24 Rimmuar ti apuy manipud ken Jehova+ ket nauram ti intero a daton a mapuoran ken dagiti taba iti rabaw ti altar. Idi nakita dayta dagiti Israelita, nagpukpukkawda ket nagruknoyda.+

19 Innala ni Manoa ti urbon a kalding ken ti daton a bukbukel ket indatonna dagita ken Jehova iti rabaw ti dakkel a bato. Kumitkita ni Manoa ken ti asawana idi adda nakaskasdaaw nga inaramid ti Dios. 20 Bayat nga agpangpangato ti apuy manipud iti altar, nakita ni Manoa ken ti asawana nga agpangpangato met ti anghel ni Jehova. Dagus a nagruknoyda agingga iti daga.

38 Iti kasta, nagtinnag ti apuy manipud ken Jehova ket inuramna ti daton a mapuoran,+ dagiti kayo, bato, tapok, ken pinagmagana ti kanal.+

26 Nangbangon sadiay ni David iti altar+ a para ken Jehova ket nangipaay kadagiti daton a mapuoran ken daton a pakikappia. Immawag ken Jehova, ket sinungbatanna babaen ti apuy+ manipud langit iti rabaw ti altar ti daton a mapuoran.

7 Kalpasan a nagkararag ni Solomon,+ bimmaba ti apuy manipud langit+ sa inibusna ti daton a mapuoran ken ti dadduma pay a daton, ket napno ti balay iti dayag ni Jehova.+