50 Kalpasanna, napan ni Abimelec idiay Tebez ket nagkampo sadiay maibusor iti Tebez ket sinakupna. 51 Adda natibker a torre iti tengnga ti siudad, ket nagkamang sadiay ti amin a lallaki ken babbai ken amin a lider ti siudad. Inserrada ti ruangan sa immulida iti tuktok ti torre. 52 Napan ni Abimelec iti torre ket nakilaban kadagiti tattao sadiay. Immasideg iti ruangan ti torre tapno puoranna. 53 Kalpasanna, adda babai a nangitinnag iti makinrabaw a paset ti gilingan a bato iti ulo ni Abimelec isu a naburak ti ulona.+