9 Nadamag ti reyna ti Sheba+ ti kinalatak ni Solomon, isu a napan idiay Jerusalem tapno subokenna ni Solomon babaen kadagiti narigat a saludsod.* Adu ti kakaduana a napan, a pakairamanan dagiti kamelio a nangawit iti lana ti balsamo ken nakaad-adu a balitok+ ken napateg a batbato. Napan ken Solomon ket sinaludsodna ti amin a kayatna a maammuan.+

23 Tartarigagayan ti amin nga ari iti daga ti mapan ken* Solomon tapno dumngeg iti sirib nga inkabil ti pudno a Dios iti pusona.+