15 “Ngem no diyo ipangag ti timek ni Jehova a Diosyo ket diyo aramiden ti amin a bilin ken lintegna nga itedko kadakayo ita, kamakamendakayto amin dagitoy a lunod:+

36 Pagtalawennakayto ni Jehova ken ti ari nga insaadyo ken iyawatnakayo iti nasion a diyo am-ammo ken dagidi ammayo,+ ket agserbikayto sadiay kadagiti sabali a dios a naaramid iti kayo ken bato.+

6 Iti maikasiam a tawen ti panagturay ni Hosea, sinakup ti ari ti Asiria ti Samaria.+ Impanna kas balud dagiti umili ti Israel+ idiay Asiria ket pinagnaedna ida idiay Hala ken idiay Habor nga abay ti karayan a Gozan+ ken kadagiti siudad dagiti Medo.+

21 Pinatay ida ti ari ti Babilonia idiay Ribla iti daga ti Hamat.+ Iti kasta, naipanaw ti Juda manipud iti dagada.+

36 “No agbasolda kenka (ta awan ti tao a saan nga agbasol),+ ket makapungtotka kadakuada ken baybay-am nga abaken ida ti kabusorda sa matiliw ken maipanda iti sabali a daga, adayo man wenno asideg,+ 37 ket mabigbigda sadiay ti basolda, ken agsublida kenka ken agpakaasida iti daga a nakaipananda, nga ibagbagada, ‘Nagbasol ken nagbiddutkami; dakes ti inaramidmi,’+ 38 ket agsublida kenka iti amin a puso+ ken kararuada* iti daga a nakaipananda,+ sa agkararagda a sumango iti dagada nga intedmo kadagidi ammada ken iti siudad a pinilim+ ken iti balay nga imbangonko para iti naganmo, 39 denggem koma dita langit a pagnanaedam ti kararag ken panagpakaasida, ket ipaayam ida iti hustisia+ ken pakawanem ti ilim a nagbasol kenka.