• Salmo 96:1-6
    Baro a Lubong a Patarus ti Nasantuan a Kasuratan

    • 96 Kantaanyo ni Jehova iti baro a kanta.+

      Kantaanyo ni Jehova, dakayo amin iti daga!+

       2 Kantaanyo ni Jehova, idaydayawyo ti naganna.

      Inaldaw nga iwaragawagyo ti naimbag a damag ti panangisalakanna.+

       3 Ipakaammoyo ti dayagna kadagiti nasion,

      Dagiti nakaskasdaaw nga aramidna iti amin a tattao.+

       4 Naindaklan ni Jehova ken maikari unay a maidaydayaw.

      Ad-adda a nakaskasdaaw ngem iti amin a sabali a dios.

       5 Awan serserbi ti amin a dios dagiti tattao;+

      Ngem ni Jehova ti nangaramid iti langit.+

       6 Iti ayanna, adda kinadayag* ken kinangayed;+

      Iti santuariona, adda pigsa ken kinapintas.+