11 Napan iti siudad ni Ari Nabucodonosor ti Babilonia, bayat a pinalawlawan dayta dagiti adipenna.

13 Kalpasanna, innalana sadiay ti amin a gameng iti balay ni Jehova ken dagiti gameng iti balay* ti ari.+ Binurburakna ti amin nga alikamen a balitok nga inaramid ni Solomon nga ari ti Israel idiay templo ni Jehova.+ Napasamak daytoy kas impadto ni Jehova.

7 Innala ni Nabucodonosor ti dadduma nga alikamen iti balay ni Jehova ket impanna idiay Babilonia sa inkabilna dagita iti palasiona.+

18 Amin nga alikamen iti balay ti pudno a Dios, dadakkel ken babassit, agraman dagiti gameng iti balay ni Jehova ken dagiti gameng ti ari ken dagiti prinsipena, impanna amin idiay Babilonia.+

5 Dagiti balitok ken pirak nga alikamen ti balay ti Dios nga innala idi ni Nabucodonosor iti templo ti Jerusalem ken impanna iti Babilonia+ ket maisubli met koma iti dati nga ayanda iti balay ti Dios.’+

1 Iti maikatlo a tawen ti panagturay ni Ari Jehoiakim+ ti Juda, immay ni Nabucodonosor nga ari ti Babilonia iti Jerusalem ket linakubna dayta.+ 2 Idi agangay, inted ni Jehova ni Ari Jehoiakim ti Juda iti ima ni Nabucodonosor,+ agraman ti dadduma nga alikamen iti balay* ti pudno a Dios. Impanna dagita iti balay* ti diosna idiay Sinar*+ sana inkabil iti pagidulinan iti gameng ti diosna.+

2 Idi nabarteken ni Belsazar, impaalana dagiti kopa a balitok ken pirak nga innala ni Nabucodonosor nga amana iti templo idiay Jerusalem,+ tapno paginumanna ken dagiti natan-ok a tattaona, dagiti sabali pay nga assawana ken dagiti segundario nga assawana.