29 Laglagipenyo nga inikkannakayo ni Jehova iti Sabbath.+ Isu nga iti maikanem nga aldaw, nangted iti taraon nga umanay iti dua nga aldaw. Awan ti asinoman a pumanaw iti ayanna; awan ti asinoman a mapan iti sadinoman iti maikapito nga aldaw.”

8 “Laglagipem a ngilinen ti aldaw ti Sabbath ken ibilangmo a sagrado.+ 9 Agtrabahoka iti innem nga aldaw,+ 10 ngem ti maikapito nga aldaw ket sabbath para ken Jehova a Diosmo. Dika agtrabaho iti uray ania—sika, ti anakmo a lalaki wenno babai, ti adipenmo a lalaki wenno babai, ti tarakenmo nga animal, wenno dagiti ganggannaet a residente nga adda kadagiti pagnanaedam.*+ 11 Ta iti innem nga aldaw, inaramid ni Jehova ti langit, daga, baybay, ken ti amin a linaonda, ket naginana iti maikapito nga aldaw.+ Dayta ti makagapu a binendisionan ni Jehova ti aldaw ti Sabbath ken pinagbalinna dayta a sagrado.

12 “‘Ngilinem ti aldaw ti Sabbath ken ibilangmo a sagrado, kas imbilin kenka ni Jehova a Diosmo.+ 13 Agtrabahoka iti innem nga aldaw,+ 14 ngem ti maikapito nga aldaw ket sabbath para ken Jehova a Diosmo.+ Dika agtrabaho iti uray ania+—sika, ti anakmo a lalaki wenno babai, ti adipenmo a lalaki wenno babai, ti baka, asno, ken aniaman a tarakenmo, wenno ti ganggannaet a residente kadagiti siudadyo*+—tapno makainana met ti adipenmo a lalaki ken babai a kas kenka.+