Watchtower ONLINE A LIBRARIA

Watchtower ONLINE A LIBRARIA

ONLINE A LIBRARIA

Jeremias 30:10

Baro a Lubong a Patarus ti Nasantuan a Kasuratan
- 10 “Dika agbuteng, adipenko a Jacob,” kuna ni Jehova,
  “Ket dika agamak, O Israel.+
  
  Ta manipud iti adayo, isalakanka
  Ken ti kaputotam manipud iti nakaipananda a lugar.+
  
  Agsublinto ni Jacob ket kalmadonto ken di maan-ano,
  Ta awanto ti pagbutnganda.”+

Ezekiel 34:28

Baro a Lubong a Patarus ti Nasantuan a Kasuratan
- 28 Saanto idan a tiliwen dagiti nasion, ken saanto idan nga alun-onen dagiti narungsot nga animal iti daga, ket agnaeddanto a sitatalged, nga awan ti pagbutnganda.+

Ezekiel 39:25, 26

Baro a Lubong a Patarus ti Nasantuan a Kasuratan
- 25 “Gapuna, daytoy ti kinuna ti Kangatuan nga Apo Jehova: ‘Isublikto dagidiay naipanaw ken Jacob+ ket kaasiakto ti intero a sangakabbalayan ti Israel.+ Sireregtanto nga idepensak ti* nasantuan a naganko.+ 26 Kalpasan a naibabainda gapu iti saanda a panagmatalek kaniak,+ agnaeddanto a sitatalged iti dagada, nga awan ti pagbutnganda.+

Oseas 2:18

Baro a Lubong a Patarus ti Nasantuan a Kasuratan
- 18 Iti dayta nga aldaw, maigapu kadagiti tattaok, makitulagakto kadagiti atap nga animal iti tay-ak,+
  Ken kadagiti billit iti tangatang ken kadagiti agkarkarayam iti daga;+
  Pukawekto ti pana ken ti espada ken ti gubat iti daga,+
  Ken pagbalinekto a natalged ti panagbiagda.*+

Mikias 4:4

Baro a Lubong a Patarus ti Nasantuan a Kasuratan
- 4 Agtugawto* ti tunggal maysa iti sirok ti ubasna ken iti sirok ti kayona a higos,+
  Ken awanto ti pagbutnganda,+
  Ta ni Jehova a panguluen dagiti armada* ti nangibaga iti dayta.