11 Iti dayta nga aldaw, iyawatto manen ni Jehova ti imana tapno ummongenna dagiti natda nga umilina manipud Asiria,+ Egipto,+ Patros,+ Cus,+ Elam,+ Sinar,* Hamat, ken kadagiti isla ti baybay.+ 12 Mangipangatonto iti senial* kadagiti nasion ken ummongenna dagiti naiwarawara nga umili ti Israel,+ agraman dagiti naiwarawara nga umili ti Juda manipud iti uppat a suli ti daga.+

12 Iti dayta nga aldaw, agburasto ni Jehova iti bunga manipud iti agay-ayus a Karayan* agingga iti Karayan ti Egipto,+ ket mapidutkayto a saggaysa, dakayo nga umili ti Israel.+

25 “‘Daytoy ti kinuna ti Kangatuan nga Apo Jehova: “Inton ummongek manen ti sangakabbalayan ti Israel manipud kadagiti ili a nakaiwarawaraanda,+ maipakitakto a nasantuanak iti tengngada iti imatang dagiti nasion.+ Agnaeddanto iti dagada+ nga intedko ken Jacob nga adipenko.+

15 “‘“Pakanekto a mismo dagiti karnerok,+ ket paginanaekto ida,”+ kuna ti Kangatuan nga Apo Jehova. 16 “Birokekto ti napukaw,+ isublikto ti nayaw-awan, bedbedakto ti nasugatan, ken papigsaekto ti masakit. Ngem papatayekto ti nalukmeg ken napigsa ket pakanekto iti pannakaukom.”