46 Madama nga agsasao ni Jesus kadagiti tattao idi sumangpet ti inana ken dagiti kakabsatna.+ Nakatakderda iti ruar ket kayatda a makasarita.+ 47 Gapuna, adda nangibaga kenkuana: “Nakatakder iti ruar ni nanangmo ken dagiti kakabsatmo. Kayatdaka a kasarita.” 48 Insungbat ni Jesus: “Asino ti inak, ken asino dagiti kakabsatko?” 49 Intudona dagiti adalanna ket kinunana: “Kitaenyo, ti inak ken dagiti kakabsatko!+ 50 Ta asinoman a mangaramid iti pagayatan ni Amak nga adda idiay langit, isu ti kabsatko a lalaki, kabsatko a babai, ken inak.”+

19 Immay ti ina ni Jesus ken dagiti kakabsatna,+ ngem nagadu ti tattao isu a dida makaasideg.+ 20 Ket adda nangibaga kenkuana: “Nakatakder iti ruar ni nanangmo ken dagiti kakabsatmo. Kayatdaka a makita.” 21 Insungbatna: “Ti inak ken dagiti kakabsatko ket isu dagitoy dumdumngeg iti sao ti Dios ken mangtungtungpal iti dayta.”+