11 No nangimulakami kadakayo iti naespirituan a bambanag, nalabes kadi no agapitkami iti material a suporta kadakayo?+ 12 No adda kastoy a kalintegan ti sabali a tattao kadakayo, saan aya nga ad-adda pay kadakami? Ngem saanmi nga inusar daytoy a kalintegan,*+ no di ket ib-ibturanmi ti amin a banag tapno saanmi a pulos malapdan ti naimbag a damag maipapan iti Kristo.+

9 Ngem idi addaak kadakayo ken nagkasapulanak, saanak a nagbalin a dadagsen iti asinoman, ta inted dagiti kakabsat a naggapu idiay Macedonia ti amin a kasapulak.+ Wen, iti aniaman a pamay-an, saankayo a pinadagsenan ket itultuloyko nga aramiden dayta.+