Zacarias

12 Maysa a pakaammo:

2 “Pagbalinek ti Jerusalem a kas maysa a kopa* a pakaigapuan ti panagibar-ibar ti amin a tattao iti aglawlawna. Ti Juda agraman ti Jerusalem ket palawlawanto dagiti mangraut.+ 3 Iti dayta nga aldaw, pagbalinekto ti Jerusalem a nadagsen* a bato iti amin a tattao. Amin a mangbagkat iti dayta ket sigurado a madangran iti kasta unay;+ ket agkaykaysanto ti amin a nasion iti daga maibusor kenkuana.+ 4 Iti dayta nga aldaw,” kuna ni Jehova, “kigtotekto ti amin a kabalio ket matarantadanto ken pagmauyongekto dagiti nakasakay. Bantayakto ti sangakabbalayan ti Juda ngem bulsekekto ti amin a kabalio dagiti tattao. 5 Ket ibaganto dagiti shik* ti Juda iti bagbagida, ‘Dagiti umili ti Jerusalem ti mangpappapigsa kadakami ta ti Diosda ket ni Jehova a panguluen dagiti armada.’+ 6 Iti dayta nga aldaw, pagbalinek dagiti shik ti Juda a kas umap-apuy a banga iti kabakiran ken kas iti sumsumged nga aluten kadagiti naintar a kagapgapas a dawa.+ Puorandanto ti amin a tattao iti aglawlaw, iti kannawan ken iti kannigid;+ ket mapagnaedanto manen ti Jerusalem iti ayanna,* iti Jerusalem.+

7 “Isalakanto nga umuna ni Jehova dagiti tolda ti Juda, tapno dagiti umili ni David ken dagiti agnanaed iti Jerusalem ket saan a natantan-ok ngem kadagiti adda iti Juda. 8 Iti dayta nga aldaw, salaknibanto ni Jehova dagiti agnanaed iti Jerusalem;+ iti dayta nga aldaw, daydiay maitibtibkol* kadakuada ket agbalinto a kas ken ni David. Ti met balay ni David ket agbalinto a kas iti anghel ni Jehova a mangidalan kadagiti tattao.+ 9 Ken iti dayta nga aldaw, siguraduek a madadael ti amin a nasion a bumusor iti Jerusalem.+

10 “Ibukbokkonto ti espirituk iti balay ni David ken kadagiti agnanaed iti Jerusalem. Awatekto ida ket agpakaasidanto kaniak. Kitaendanto daydiay dinuyokda,+ ken dung-awandanto kas iti panangdung-awda iti natay a kakaisuna nga anakda; ket agladingitdanto iti kasta unay a kas iti panagladingitda iti natay nga inauna nga anakda. 11 Iti dayta nga aldaw, nakapigpigsanto ti panagdung-aw idiay Jerusalem a kas iti panagdung-aw ti Hadadrimmon idiay Tanap ti Megiddo.+ 12 Agdung-awto ti tunggal pamilia iti daga; dagiti pamilia iti sangakabbalayan ni David ken dagiti babbai iti pamiliada; dagiti pamilia iti sangakabbalayan ni Natan+ ken dagiti babbai iti pamiliada; 13 dagiti pamilia ni Levi+ ken dagiti babbai iti pamiliada; dagiti pamilia dagiti Simeita+ ken dagiti babbai iti pamiliada; 14 ken amin a nabatbati a pamilia ken dagiti babbai iti pamiliada.