Salmo

 2 Diosko, sika ti pagtalkak;+

Dimo ipalubos a maibabainak.+

 3 Sigurado a dinto maibabain dagiti mangin-inanama kenka.+

Ngem maibabainto dagidiay mangtraidor nga awan gapgapuna.+

 4 Ipakaammom kaniak dagiti dalanmo, O Jehova;+

Isurom kaniak dagiti danam.+

 5 Papagnaennak iti kinapudnom ket isuronak,+

Ta sika ti Dios a mangisalakan kaniak.

 6 O Jehova, lagipem ti asim ken ti napudno nga ayatmo+

A kanayon nga ipakpakitam.*+

Lagipennak maitunos iti napudno nga ayatmo,+

Gapu iti kinaimbagmo, O Jehova.+

 9 Idalannanto dagiti naemma a mangaramid iti umiso,*+

Ket isuronanto ti dalanna kadakuada.+

10 Napudno nga ayat ken kinamatalek ti amin a dana ni Jehova

Kadagidiay mangtungtungpal iti tulagna+ ken kadagiti pammalagipna.+

11 Maigapu iti naganmo, O Jehova,+

Pakawanem ti kamalik nupay nakaro dayta.

13 Nasayaatto ti masagrapna,+

Ket dagiti putotna* ti mangtagikuanto iti daga.+

14 Nasinged a gagayyem ni Jehova dagidiay agbuteng kenkuana,+

Ket ipakaammona kadakuada ti tulagna.+

15 Kanayon a nakaturong dagiti matak ken ni Jehova,+

Ta manipud iti palab-og, dagiti sakak wayawayaanna.+

16 Taliawennak ken paraburannak,

Ta agmaymaysaak ken kakaasiak.

17 Immadu dagiti pagladladingitak;+

Wayawayaannak kadagiti pakarigatak.

18 Kitaem ti rigatko ken ti parikutko,+

Ket pakawanem ti amin a basolko.+

19 Kitaem no kasano kaadu dagiti kabusorko

Ken no kasano kakaro ti gurada kaniak.

21 Ti kinamatalekko ken kinalintegko saluadandak koma,+

Ta sika ti pangnamnamaak.+