Job

 3 Apay nga ibilangnakami kas animal+

Ken apay a maag* ti panagkitkitam kadakami?

 4 Uray no rangrangkayem ti bagim* gapu iti pungtotmo,

Pumanawto aya dagiti tattao ditoy daga gapu laeng kenka,

Wenno umakarto aya ti dakkel a bato iti ayanna?

 5 Wen, maiddepto ti silaw dagiti managdakdakes,

Ken saanto nga agraniag ti apuyna.+

 6 Sigurado a matayto ti silaw iti pagtaenganna,

Ken maiddepto ti lamparana.

 7 Bimmassit dagiti dadakkel nga aksawna,

Ket ti bukodna a balakad ti pakatumbaanna.+

 8 Ta agturong dagiti sakana iti iket a pagsilo,

Ket daytanto ti pagnaanna.

 9 Addanto silo a mangtiliw iti mukodna;

Addanto palab-og a mangkemmeg kenkuana.+

10 Adda nailemmeng a tali iti pagnaanna,

Ken adda silo a naipakat iti dalanna.

11 Nalikmut kadagiti nakabutbuteng a banag,+

Ket kamatenda iti sadinoman a papananna.

12 Maib-ibusen ti pigsana,

Ket ti didigra+ ti mangtumba* kenkuana.

13 Marunrunoten ti kudilna;

Ti kangrunaan a makapapatay a sakit* ti mangib-ibus kadagiti paset ti bagina.

14 Nayadayo iti natalged a toldana+

Ket naipan iti ari dagiti buteng.*

15 Dagiti estranghero* ti agyanto iti pagtaenganna;

Maiwaristo ti asupre iti rabaw ti balayna.+

16 Matayto dagiti ramutna,

Ken magangonto dagiti sangana.

17 Awanton ti makaam-ammo kenkuana ditoy daga,

Ket iti kalsada, awanton ti makalagip iti naganna.*

18 Mapapanawto iti lawag ket maipanto iti kasipngetan

Ken mapagtalawto manipud iti nabunga a daga.

19 Saanto a maaddaan iti annak ken kaputotan iti tengnga dagiti kailianna,

Ket awanto ti agbiag iti pagnanaedanna.*

20 Inton dumteng ti aldawna, makigtotto dagiti taga-Laud

Ken agpigergerto dagiti taga-Daya.

21 Dayta ti mapasamak kadagiti pagtaengan ti managdakdakes,

Ken iti ayan daydiay saan a makaam-ammo iti Dios.”