Salmo

38 O Jehova, dika koma agpungtot no tubngarennak,

Saanka koma nga agunget no ilintegnak.+

 2 Ta nauneg ti sinalput dagiti panam iti bagik,

Ken nariknak a nadagsen ti imam kaniak.+

 4 Nalapunosak iti kaadu dagiti biddutko;+

Kasda la iti nadagsen nga awit a diak kabaelan a susuonen.

 5 Bimmangsit ken nagnana* dagiti sugatko

Gapu iti kinamaagko.

 6 Nakadumogak gapu iti leddaangko;

Agmalmalem a magmagnaak a sililiday.

 7 Maur-uram ti unegko,*

Agsakit ti intero a bagik.+

 8 Nabibinegak ken nadudog ti riknak;

Mariribukan ti pusok isu nga umas-asugak iti napigsa.

 9 O Jehova, ammom amin a tarigagayko,

Ken saan a mailimed kenka dagiti saibbekko.

10 Agkebbakebba daytoy barukongko, naibusen ti pigsak,

Kimmudrep metten ti panagkitak.+

11 Gapu iti sakitko, likliklikandak dagiti gagayyem ken kakaduak,

Ken ad-adaywandak dagiti nasinged kaniak.

12 Dagidiay agpangpanggep a mangkettel iti biagko* ket nagipakat kadagiti silo;

Padpadaksendak dagidiay agganggandat a mangdangran kaniak;+

Agmalmalem a mangal-allilawda.

13 Ngem kas iti tuleng, diak dengdenggen ida;+

Kas iti umel, saanak nga agsasao.+

14 Nagbalinak a kas iti tao a saan a makangngeg,

Nga awan man la ti maibagana a pangdepensa iti bagina.

15 Ta nagur-urayak kenka, O Jehova,+

Ket sinungbatannak, O Diosko a Jehova.+

16 Ta kinunak: “Saandak koma a pagkakatawaan

Wenno saanda koma nga agpangas no maigalis ti sakak.”

17 Ta dandaniakon matumba,

Ken saan nga agsarsardeng ti ut-ot a marikriknak.+

18 Impudnok ti biddutko;+

Mariribukanak gapu iti basolko.+

19 Ngem dagiti kabusorko ket nabileg* ken napigsa,*

Immadu dagiti gumurgura kaniak nga awan gapgapuna.

20 Dakes ti insubadda iti naimbag nga inaramidko;

Konkontraendak gapu iti panagaramidko iti nasayaat.

22 Darasem ti umay tumulong kaniak,

O Jehova, a mangisalakan kaniak.+