Ezekiel

23 Kinuna manen kaniak ni Jehova: 2 “Anak ti tao, adda dua a babbai a maymaysa ti inada.+ 3 Nagbalinda a balangkantis idiay Egipto+ sipud pay idi agtutuboda. Nagar-aramidda iti seksual nga immoralidad ket napukaw ti kinabirhenda. 4 Ohola* ti nagan ti inauna, ken Oholiba* ti nagan ti inaudi. Nagbalinda a kukuak ket nangyanakda iti lallaki ken babbai. Ni Ohola ti Samaria,+ ket ni Oholiba ti Jerusalem.

5 “Nangrugi nga agbalangkantis ni Ohola+ bayat a kukuak pay laeng. Ginartemanna dagiti mangay-ayat kenkuana,+ dagiti kaarrubana nga Asiriano.+ 6 Gobernador ken opisialda a nakabado iti asul—makaay-ayoda amin nga agtutubo a lallaki a nakasakay iti kabalioda. 7 Intultuloyna ti nakirelasion iti amin a naguguapo nga annak a lallaki ti Asiria, ken rinugitanna ti bagina+ kadagiti makarimon nga idolo* dagiti ginartemanna. 8 Saanna nga insardeng ti panagbalangkantis nga inar-aramidna idiay Egipto, ta nakidennada kenkuana sipud idi agtutubo, ken nadadael ti kinabirhenna ta impapasda ti panaggartemda* kenkuana.+ 9 Isu nga inyawatko kadagiti mangay-ayat kenkuana, ti annak ti Asiria,+ a ginartemanna. 10 Linabusanda+ ken inagawda ti annakna a lallaki ken babbai,+ sa pinapatayda iti espada. Nagdinamag iti babbai ti kinadakesna, ket dinusada.

11 “Idi nakita dayta ni Oholiba a kabsatna, kimmaro ti panaggartemna, ken nakarkaro pay ti panagbalangkantisna ngem ni manangna.+ 12 Ginartemanna dagiti kaarrubana nga annak ti Asiria,+ dagiti gobernador ken opisial a nakabado iti nangayed ken nakasakay iti kabalio—makaay-ayoda amin nga agtutubo a lallaki. 13 Idi rinugitanna ti bagina, nakitak nga agpada ti inaramidda.+ 14 Ngem intultuloyna a pinakaro ti panagbalangkantisna. Nakakita iti lallaki a naikitikit iti diding, dagiti imahen dagiti Caldeo a napintaan iti bermelion,* 15 nakasinturon, nakaturbante iti adda baruyboyna, ken kasla mannakigubat ti langada—iladawan amin dagitoy dagiti Babilonio, a nayanak iti daga dagiti Caldeo. 16 Idi nakitana dagita, ginartemanna ida ken nangibaon kadagiti mensahero a mapan kadakuada idiay Caldea.+ 17 Isu a nagtultuloy a nakidenna kenkuana ti annak ti Babilonia iti pagiddaanna, ken rinugitanda babaen ti panaggartemda* kenkuana. Idi narugiten, nakapungtot ket inadaywanna ida.

18 “Idi intultuloyna ti nakababain a panagbalangkantisna ken panaglabusna,+ nakapungtotak ket inadaywak, kas iti iyaadayok iti kabsatna gapu iti pungtotko.+ 19 Intultuloyna a pinakaro ti panagbalangkantisna,+ a malaglagipna ti kinaagtutubona idi nagbalangkantis idiay Egipto.+ 20 Ginartemanna dagiti mangay-ayat kenkuana kas iti sabali pay nga assawa ti lallaki, a ti mabagbagida ket kas iti mabagbagi ti asno ken kabalio. 21 Kailiwmo ti naalas nga aramidmo idiay Egipto+ idi nagpennekda kadagiti susom bayat nga agtutuboka pay.+

22 “Gapuna, Oholiba, daytoy ti kinuna ti Kangatuan* nga Apo Jehova: ‘Tignayek a bumusor kenka* manipud iti amin a direksion+ dagiti mangay-ayat kenka+ nga inadaywam gapu iti pungtotmo, 23 ti annak ti Babilonia+ ken amin a Caldeo,+ ti lallaki ti Pekod,+ Soa, ken Koa, agraman ti amin nga annak ti Asiria. Aminda ket makaay-ayo nga agtutubo a lallaki, gobernador ken opisial, mannakigubat ken napili,* ken nakasakay iti kabalio. 24 Darupendakanto iti adu a karuahe a pakigubat ken adu a soldado a nakahelmet ken nakaawit iti dakkel a kalasag ken sarapa.* Agpuestoda iti aglikmutmo, ken ikkak ida iti autoridad a mangukom, ket ukomendaka maitunos iti kayatda.+ 25 Iyebkaskonto ti pungtotko kenka, ket ranggasandakanto. Ikkatendanto ti agong ken lapayagmo, ken matayto iti espada dagidiay matedda kenka. Alaendanto ti annakmo a lallaki ken babbai, ken mauramto dagidiay matedda kenka.+ 26 Labusandakanto+ ken agawenda ti napintas nga alahasmo.*+ 27 Pagpatinggaekto ti naalas nga aramidmo ken ti panagbalangkantismo,+ a nangrugi idiay Egipto.+ Isardengmonton a kitaen dagita, ken saanmonton a malagip ti Egipto.’

28 “Ta daytoy ti kinuna ti Kangatuan nga Apo Jehova: ‘Iyawatkan kadagiti ginuram, kadagidiay inadaywam gapu iti pungtotmo.+ 29 Guraendakanto ken alaenda amin a nagbannogam+ ket panawandaka a nakalabus. Makitadanto ti nakababain ken labus a bagim gapu iti immoral ken naalas nga aramidmo ken iti panagbalangkantismo.+ 30 Maaramidto kenka dagitoy ta kaslaka balangkantis a nangkamat kadagiti nasion,+ ta rinugitam ti bagim kadagiti makarimon nga idoloda.+ 31 Tinuladmo ti aramid ti kabsatmo,+ isu nga ikabilkonto ti kopana iti imam.’+

32 “Daytoy ti kinuna ti Kangatuan nga Apo Jehova:

“Ta siak a mismo ti nagsao,” kuna ti Kangatuan nga Apo Jehova.’

35 “Gapuna, daytoy ti kinuna ti Kangatuan nga Apo Jehova: ‘Gapu ta linipatnak ken dinak inkabkabilangan,*+ sagabaemto ti resulta ti naalas nga aramidmo ken ti panagbalangkantismo.’”

36 Imbaga kaniak ni Jehova: “Anak ti tao, ukomemto kadi da Ohola ken Oholiba+ ken ibutaktakmo dagiti dakes nga aramidda? 37 Nakikamalalada*+ ken adda dara iti imada. Saanda laeng a nakikamalala kadagiti makarimon nga idoloda, impalasatda pay iti apuy ti annak a lallaki nga inyanakda kaniak kas taraon dagiti idoloda.+ 38 Daytoy pay ti inaramidda kaniak: Rinugitanda ti santuariok iti dayta nga aldaw, ken imbabainda dagiti sabbathko. 39 Kalpasan a pinatayda ti annakda kas daton kadagiti makarimon nga idoloda,+ simrekda iti santuariok tapno rugitanda+ iti dayta met laeng nga aldaw. Kasta ti inaramidda iti uneg ti balayko. 40 Nangibaonda pay ketdi iti mensahero a mangayab kadagiti lallaki nga aggapu iti adayo.+ Bayat nga um-umayda, nagdiguska ken inikkam iti kolorete ti matam ken inarkosam ti bagim.+ 41 Nagtugawka iti napintas a sopa+ nga adda lamisaan iti sanguananna,+ a nangikabilam iti insiensok+ ken lanak.+ 42 Nangngeg sadiay ti ariwawa ti adu a lallaki nga agraragsak, a karaman dagiti mammartek a naggapu iti let-ang. Inikkanda iti pulseras ti ima dagiti babbai ken napipintas a korona iti uloda.

43 “Imbagak maipapan iti babai nga agkakapuyen a makikamalala: ‘Ita, itultuloynanto ti panagbalangkantisna.’ 44 Isu nga intultuloyda ti mapan kenkuana, kas iti ipapan ti maysa iti balangkantis. Kasta ti ipapanda kada Ohola ken Oholiba, ti babbai a naalas ti aramidda. 45 Ngem ipakatto kenkuana ti nalinteg a lallaki ti maitutop a panangukom gapu iti pannakikamalala+ ken panagibukbokna iti dara;+ ta mannakikamalalada, ken adda dara iti imada.+

46 “Ta daytoy ti kinuna ti Kangatuan nga Apo Jehova, ‘Addanto armada a bumusor kadakuada tapno pagbalinenda ida a nakabutbuteng ken maalanto dagiti sanikuada.+ 47 Uborento ida ti armada+ ken patayenda ida iti espadada. Patayendanto ti annakda a lallaki ken babbai+ ken puoranda dagiti balayda.+ 48 Pagpatinggaekto ti naalas nga aramid iti daga, ket makasursuronto ti amin a babbai ken saanda a tuladen ti naalas nga aramidyo.+ 49 Ipalak-amdanto kadakayo ti resulta ti naalas nga aramidyo ken dagiti basolyo gapu kadagiti makarimon nga idoloyo; ket maammuanyonto a siak ti Kangatuan nga Apo Jehova.’”+