Salmo

Iti direktor. Salmo ni David.

14 Kuna dagiti maag* iti pusoda:

“Awan ti Jehova.”+

Dakes ti ar-aramidenda, ken makarimon ti pannakilangenda;

Awan ti agar-aramid iti naimbag.+

2 Ngem manipud idiay langit, kitkitaen ni Jehova dagiti annak ti tattao,

Tapno ammuenna no adda masirib, ken no adda mangbirbirok ken Jehova.+

3 Timmallikudda amin;+

Agpapadada nga agar-aramid iti dakes.

Awan ti agar-aramid iti naimbag,

Awan uray maysa.

4 Awan kadi ti pannakaawat dagiti managdakdakes?

Ibusenda dagiti tattaok a kas iti panangibusda iti makan.

Saanda nga umaw-awag ken Jehova.

5 Ngem napalalonto ti panagbutengda,+

Ta adda ni Jehova iti henerasion dagiti nalinteg.

6 Dakayo a managdakdakes, padpadasenyo a lapdan dagiti plano ti nanumo,

Ngem ni Jehova ti kamangna.+

7 Aggapu koma iti Sion ti pannakaisalakan ti Israel!+

Inton isubli ni Jehova dagidiay naipanaw iti ilina,

Agrag-o koma ni Jacob, agragsak koma ti Israel.