Salmo

Saan nga agpayso ti ibagbagada maipapan kaniak;+

 3 Palpalikmutandak ken pagsasawandak,

Ken dardarupendak nga awan gapgapuna.+

 4 Ibubusor ti isubadda iti ayatko;+

Ngem itultuloyko ti agkararag.

 5 Dakes ti insubadda iti kinaimbagko+

Ken gura iti ayatko.+

 6 Mangdutokka iti dakes a tao a mangukom kenkuana,

Ket adda koma bumusbusor* nga agtakder iti makannawanna.

 7 Inton maukom, maikeddeng koma a nakabasol;*

Uray ti kararagna ket maibilang koma a basol.+

 8 Umababa koma dagiti aldawna;+

Sabali koma ti mangala iti akemna kas manangaywan.+

 9 Maulila koma iti ama dagiti annakna,*

Ken mabalo koma ti asawana.

10 Agsursor koma nga agpalimos dagiti annakna,*

Nga agbirok iti makan iti nadadael a balbalayda.

11 Ti nakautanganna ti mangala koma* iti amin nga adda kenkuana,

Ken agawen koma dagiti estranghero dagiti sanikuana.

12 Awan koma ti mangngaasi* kenkuana,

Ken awan koma ti mangasikaso kadagiti annakna nga ulila iti ama.

13 Mapapatay koma dagiti annakna;*+

Mapunas koma ti naganda iti henerasionda.

14 Lagipen koma ni Jehova ti biddut dagidi ammana,+

Ket saan koma a mapunas ti basol ni inana.

15 Sangkapanunot koma ni Jehova dagiti inaramidda;

Ket pukawenna koma ti pakalaglagipan kadakuada ditoy daga.+

16 Ta dina linaglagip ti mangipakita iti asi,*+

Intultuloyna ketdi a kinamat ti mailupitlupit,+ napanglaw, ken ti nasaktan ti pusona

Tapno mapapatayna.+

17 Pagay-ayatna ti agilunod, isu a nailunod la ngarud;

Dina kayat ti mangbendision, isu nga awan ti naawatna a bendision;

Ket kasla danum a naibuyat dagita iti bagina,

Kas iti lana kadagiti tulangna.

19 Agbalin koma dagiti lunodna a kas iti bado a pagkawesna+

Ken kas iti sinturon a kanayon nga ibarikesna.

20 Kastoy ti pangsupapak ni Jehova iti daydiay mangbusbusor kaniak+

Ken kadagidiay agsasao iti dakes maibusor kaniak.

21 Ngem sika, O Jehova a Kangatuan* nga Apo,

Tulongannak maigapu iti naganmo.+

22 Ta awan gawayko ken napanglawak,+

Ken nasugatan daytoy pusok.+

23 Kayarigak ti anniniwan nga agpukaw;

Kaslaak la dudon a naabug tapno mapapanaw.

24 Agkakapuyen dagiti tumengko gapu iti diak pannangan,

Kimmuttongen ti bagik ket agmagmagan ti kudilko.*

26 Tulongannak, O Jehova a Diosko;

Isalakannak babaen ti napudno nga ayatmo.

27 Maammuanda koma a gapuanan daytoy ti imam;

A sika, O Jehova, ti nangaramid iti dayta.

Mapabainanda koma no busorendak,

Ngem palubosam koma daytoy adipenmo nga agragsak.

29 Marunaw koma iti bain dagidiay bumusbusor kaniak;

Kas koma iti bado* a maibalkut kadakuada ti pannakaibabainda.+

30 Sipapasnek nga idaydayawkonto ni Jehova;

Idaydayawkonto iti sango ti adu a tattao.+

31 Ta agtakderto iti makannawan ti napanglaw

Tapno isalakanna kadagiti mangak-akusar kenkuana.