Ti Umuna a Cronicas

7 Ti annak ni Isacar ket da Tola, Pua, Jasub, ken Shimron+—uppatda amin. 2 Ti annak ni Tola ket da Uzi, Refaias, Jeriel, Jamai, Ibsam, ken Semuel, dagitoy ti ulo dagiti pamiliada. Adda 22,600 a nabileg a mannakigubat a nagtaud ken Tola idi panawen ni David. 3 Dagiti kaputotan* ni Uzi ket ni Izrahias ken ti annak ni Izrahias: Miguel, Abdias, Joel, Issia—aminda a lima ket panguluen.* 4 Kadagiti kaputotanda, sigun kadagiti pamiliada, adda 36,000 a soldado iti armadada a makabael a makigubat, ta adu ti assawa ken annakda. 5 Dagiti kakabsatda iti amin a pamilia ni Isacar ket nabileg a mannakigubat, 87,000 ti bilangda sigun iti listaan ti kapuonanda.+

6 Ti annak ni Benjamin+ ket da Bela,+ Beker,+ ken Jediael+—talloda amin. 7 Ti annak ni Bela ket da Ezbon, Uzi, Uziel, Jerimot, Iri—limada amin—dagiti ulo dagiti pamiliada, nabileg a mannakigubat, ket 22,034 ti bilangda iti listaan ti kapuonanda.+ 8 Ti annak ni Beker ket da Zemira, Joas, Eliezer, Elioenai, Omri, Jeremot, Abias, Anatot, ken Alemet—dagitoy amin ti annak ni Beker. 9 Adda 20,200 a nabileg a mannakigubat iti listaan ti kapuonanda, no maipapan kadagiti ulo dagiti pamiliada. 10 Ti annak ni Jediael+ ket ni Bilhan ken ti annak ni Bilhan: Jeus, Benjamin, Ehud, Kenaana, Zetan, Tarsis, ken Ahisahar. 11 Dagitoy amin ti annak ni Jediael, sigun kadagiti pannakaulo dagiti kapuonanda, 17,200 a nabileg a mannakigubat a nakasagana a makilaban.

12 Da Supim ken Hupim ket annak ni Ir;+ ni Husim ket anak* ni Aher.

13 Ti annak ni Neftali+ ket da Jaziel, Guni, Jezer, ken Salum—dagiti kaputotan* ni Bilha.+

14 Ti annak ni Manases:+ ni Asriel, nga inyanak ti asawana a Siriano. (Inyanakna ni Makir+ nga ama ni Gilead. 15 Nangala ni Makir iti asawa para kada Hupim ken Supim, ket Maaca ti nagan ti kabsatna a babai.) Ti maikadua ket ni Zelofehad,+ ngem babbai ti annak ni Zelofehad.+ 16 Ni Maaca, nga asawa ni Makir, ket nangyanak iti lalaki a pinanagananna iti Peres; ket Seres ti nagan ti kabsatna a lalaki; ket ti annakna isu da Ulam ken Rekem. 17 Ti anak* ni Ulam ket ni Bedan. Dagitoy ti annak ni Gilead nga anak ni Makir nga anak ni Manases. 18 Ti kabsatna a babai ket ni Hamoleket. Inyanakna da Ishod, Abi-ezer, ken Mala. 19 Ti annak ni Semida ket da Ahian, Sikem, Likhi, ken Aniam.

20 Ti annak ni Efraim+ ket ni Sutela,+ nga ama ni Bered, nga ama ni Tahat, nga ama ni Eleada, nga ama ni Tahat, 21 nga ama ni Zabad, nga ama ni Sutela, ni Ezer, ken Elead. Pinatay ida dagiti lallaki ti Gat+ a nayanak iti dayta a daga ken innalada dagiti tarakenda. 22 Adu nga aldaw a nagsangsangit ni Efraim nga amada, ket napan liniwliwa dagiti kakabsatna. 23 Idi agangay, nakidenna iti asawana, ket nagsikog ken nangyanak iti maysa a lalaki. Ngem pinanagananna iti Berias* ta nagpasar iti didigra ti pamiliana idi naganak ti asawana. 24 Ti anakna a babai ket ni Seera, a nangbangon iti Makimbaba+ ken Makinngato a Bet-horon+ ken iti Uzen-seera. 25 Anakna pay ni Refa, nga ama ni Resef, nga ama ni Tela, nga ama ni Tahan, 26 nga ama ni Ladan, nga ama ni Amihud, nga ama ni Elisama, 27 nga ama ni Nun, nga ama ni Josue.*+

28 Ti sanikuada ken dagiti disso a nagnaedanda ket ti Bethel+ ken dagiti ili iti aglawlawna, ti Naaran iti daya, ti Gezer iti laud ken dagiti ili iti aglawlawna, ken ti Sikem ken dagiti ili iti aglawlawna agingga iti Ayya* ken dagiti ili iti aglawlawna; 29 ken iti abay dagiti kaputotan ni Manases, ti Bet-sean+ ken dagiti ili iti aglawlawna, ti Taanak+ ken dagiti ili iti aglawlawna, ti Megiddo+ ken dagiti ili iti aglawlawna, ken ti Dor+ ken dagiti ili iti aglawlawna. Nagnaed kadagitoy dagiti kaputotan ni Jose nga anak ni Israel.

30 Ti annak ni Aser ket da Imna, Isva, Isvi, Berias,+ ken ni Sera a kabsatda a babai.+ 31 Ti annak ni Berias ket da Heber ken Malkiel, nga ama ni Birzait. 32 Ni Heber ti ama da Jaflet, Somer, Hotam, ken ni Shua a kabsatda a babai. 33 Ti annak ni Jaflet ket da Pasak, Bimhal, ken Asvat. Dagitoy ti annak ni Jaflet. 34 Ti annak ni Shemer* ket da Ahi, Roga, Jehubba, ken Aram. 35 Ti annak ni Helem* a kabsatna ket da Zofa, Imna, Seles, ken Amal. 36 Ti annak ni Zofa ket da Suah, Harnefer, Sual, Beri, Imra, 37 Bezer, Hod, Shamma, Silsa, Itran, ken Beera. 38 Ti annak ni Jeter ket da Jefune, Pispa, ken Ara. 39 Ti annak ni Ula ket da Arah, Haniel, ken Rizia. 40 Dagitoy amin ti annak ni Aser, dagiti ulo dagiti pamiliada a napili ken nabileg a mannakigubat, dagiti ulo dagiti panguluen. Ti bilangda iti listaan ti kapuonanda+ ket 26,000 a lallaki+ a makabael a makigubat.