Ti Umuna a Cronicas

24 Dagitoy ti grupo ti kaputotan ni Aaron: Ti annak ni Aaron ket da Nadab, Abihu,+ Eleazar, ken Itamar.+ 2 Nupay kasta, immun-una a natay da Nadab ken Abihu ngem ni amada,+ ket awan ti annakda; ngem nagtultuloy a nagserbi da Eleazar+ ken Itamar kas papadi. 3 Ni David, agraman ni Zadok+ a kaputotan ni Eleazar, ken ni Ahimelec a kaputotan ni Itamar, biningayda ida sigun iti batangda nga agserbi. 4 Gapu ta ad-adu ti pannakaulo kadagiti annak ni Eleazar ngem kadagiti annak ni Itamar, biningbingayda ida: Adda 16 nga ulo ti pamilia kadagiti annak ni Eleazar, ken adda met 8 nga ulo ti pamilia kadagiti annak ni Itamar.

5 Kasta met, nagbibinnunotda+ tapno maikeddeng ti pagrebbenganda, ta agpada nga adda dagiti panguluen iti nasantuan a disso ken dagiti panguluen iti pudno a Dios manipud kadagiti annak ni Eleazar ken annak ni Itamar. 6 Kalpasanna, ni Semaias nga anak ni Netanel a sekretario dagiti Levita inlistana ti naganda iti sanguanan ti ari, dagiti prinsipe, ni Zadok+ a padi, ni Ahimelec+ nga anak ni Abiatar,+ ken dagiti ulo dagiti pamilia ti papadi ken Levita. Maysa a pamilia ti napili manipud ken Eleazar ket maysa ti napili manipud ken Itamar.

7 Ni Jehoiarib ti umuna a nabunot; ni Jedaias ti maikadua, 8 ni Harim ti maikatlo, ni Seorim ti maikapat, 9 ni Malkias ti maikalima, ni Mijamin ti maikanem, 10 ni Hakoz ti maikapito, ni Abias+ ti maikawalo, 11 ni Jesua ti maikasiam, ni Secanias ti maika-10, 12 ni Eliasib ti maika-11, ni Jakim ti maika-12, 13 ni Hupa ti maika-13, ni Jesebeab ti maika-14, 14 ni Bilga ti maika-15, ni Immer ti maika-16, 15 ni Hezir ti maika-17, ni Hapizez ti maika-18, 16 ni Petaias ti maika-19, ni Jehezkel ti maika-20, 17 ni Jakin ti maika-21, ni Gamul ti maika-22, 18 ni Delaias ti maika-23, ken ni Maazias ti maika-24.

19 Dagitoy ti batangda nga agserbi+ no sumrekda iti balay ni Jehova sigun iti urnos nga inaramid ni Aaron nga apongda, kas imbilin kenkuana ni Jehova a Dios ti Israel.

20 Ken iti dadduma pay a Levita: ni Subael kadagiti annak ni Amram;+ ni Jedias kadagiti annak ni Subael;+ 21 ken Rehabias:+ ni Issia ti pannakaulo kadagiti annak ni Rehabias; 22 ni Selomot+ kadagiti Izarita; ni Jahat kadagiti annak ni Selomot; 23 ken kadagiti annak ni Hebron, ni Jeria+ ti pannakaulo, ni Amarias ti maikadua, ni Jahaziel ti maikatlo, ni Jekameam ti maikapat; 24 ni Mikias kadagiti annak ni Uziel; ni Samir kadagiti annak ni Mikias. 25 Ti kabsat ni Mikias ket ni Issia; ni Zacarias ti pannakaulo kadagiti annak ni Issia.

26 Ti annak ni Merari+ ket da Mali ken Musi; ni Beno ti pannakaulo kadagiti annak ni Jaazias. 27 Karaman iti kaputotan ni Merari: ti annak ni Jaazias a da Beno, Soham, Zacur, ken Ibri; 28 ti anak ni Mali a ni Eleazar, a saan a naaddaan iti anak;+ 29 ti anak ni Kis a ni Jerameel; 30 ken ti annak ni Musi a da Mali, Eder, ken Jerimot.

Dagitoy ti annak ni Levi sigun kadagiti pamiliada. 31 Nagbibinnunotda+ met kas iti inaramid dagiti kakabsatda nga annak ni Aaron iti sanguanan ni Ari David, Zadok, Ahimelec, ken dagiti ulo dagiti pamilia ti papadi ken dagiti Levita. Agpada ti pannakatrato ti ulo ti natantan-ok a pamilia ken ti ulo ti nanumnumo a pamilia.