Oseas

13 “No agsao idi ti Efraim, agpigerger dagiti tattao;

Isu ket naturay iti Israel.+

 2 Naynayonanda ita ti basolda

Ken agar-aramidda kadagiti metal nga estatua* manipud kadagiti pirakda;+

Naglaingda nga agaramid kadagiti rebulto, obra amin dagita dagiti eksperto.

 3 Isu nga agbalindanto a kas kadagiti ulep iti bigat,

Kas iti linnaaw a mabiit nga agpukaw,

Kas iti taep iti pagirikan nga itayab ti bagyo,

Ken kas iti asuk a rummuar iti abut ti atep.

 4 Ngem siak ni Jehova a Diosyo manipud pay idiay Egipto;+

Awan idi ti ammoyo a Diosyo no di laeng siak,

Awan ti sabali a mangisalakan no di laeng siak.+

 6 Napnekkayo kadagiti pagpaarabanyo,+

Napnekkayo ket timmangsit ti pusoyo.

 7 Agbalinakto a kas iti urbon a leon kadakuada,+

Kas iti leopardo nga agsipsiput iti sikbabenna.

 8 Darupekto ida a kas iti oso a napukawan kadagiti urbonna,

Ket butiakakto dagiti barukongda.*

Alun-onekto ida a kas iti leon;

Pirsapirsayento ida ti narungsot nga animal iti tay-ak.

 9 Dadaelennakanto, O Israel,

Gapu ta tinallikudannak, siak a tumultulong kenka.

10 Ayanna ngaruden ti arim, tapno isalakannaka koma iti amin a siudadmo,+

Ken dagiti mangiturturay* kenka a nangibagaam,

‘Ikkannak iti ari ken piprinsipe’?+

11 Iti pungtotko, inikkanka iti ari,+

Ket iti ungetko, ikkatekto met laeng.+

12 Agtalinaedto ti kamali ti Efraim;

Ti basolna ket naidulin.

Ngem isu ket saan a masirib nga anak;

Idi mayanak koman, dina kayat ti rummuar iti aanakan.

14 Subbotekto ida manipud iti Tanem;*

Aonekto ida manipud ken patay.+

15 Uray no lumangto iti tengnga dagiti runo,

Umayto ti angin nga aggapu iti daya, ti angin ni Jehova.

Aggapu iti desierto a mangpamaga iti bubonna ken mangpaatian iti ubbogna.

Mataydanto iti espada.+

Marangrangkayto dagiti annakda,

Ken mabutiakanto dagiti masikog a babbaida.”