Salmo

Iti sanguanan dagiti sabali a dios,

Agkantaakto iti panangidaydayaw.*

 2 Agruknoyakto iti sanguanan ti nasantuan a templom,*+

Ket idaydayawkonto ti naganmo+

Gapu iti napudno nga ayatmo ken kinamatalekmo.

 3 Idi immawagak kenka, sinungbatannak;+

Pinatured ken pinapigsanak.+

 4 O Jehova, idaydayawdakanto ti amin nga ar-ari iti daga,+

Ta mangngegdanto dagiti inkarim.

 5 Agkantadanto maipapan iti daldalan ni Jehova,

Ta nakadaydayag ni Jehova.+

 6 Uray nangato ni Jehova, asikasuenna dagiti napakumbaba,+

Ngem isu ket adayo kadagiti natangsit.+

Usarem ti pannakabalinmo kadagiti makaunget a kalabanko;

Ti makannawan nga imam ti mangisalakan kaniak.

O Jehova, agnanayon ti napudno nga ayatmo;+

Saanmo a baybay-an dagiti inaramidmo.+