Job

 2 “Kaanokayto nga agsardeng a mangrurrurod iti kararuak,*+

A daddadaelendak iti ibagbagayo?+

 3 Naminsangapulon a pinabainandak;*

Saankayo a mabain a manglais kaniak.+

 4 Ket no bilang nagkamaliak,

Makaammoakon iti dayta.

 5 No ipapilityo a hustokayo,

Ken rumbeng laeng a maum-umsiak,

 6 Ibagak ngarud kadakayo a ti Dios ti nangallilaw kaniak,

Ken nangipakat iti silo a pinangtiliwna kaniak.

 7 Kitaenyo! Iyik-ikkisko, ‘Kinaranggas!’ ngem awan ti simmungbat;+

Kanayon nga agpakpakaasiak iti tulong, ngem awan ti hustisia.+

 8 Sinerraanna ti dalanko iti bato a pader, isu a diak makalasat;

Pinagsipngetna dagiti pagnaak.+

 9 Inuksobna ti dayawko

Ken inikkatna ti korona ti ulok.

10 Dadaelennak agingga a mapukawak;

Parutenna a kas iti kayo ti namnamak.

11 Napalalo ti ungetna kaniak,

Ket ibilangnak a kabusorna.+

12 Agmartsa dagiti soldadona ket palawlawandak,

Ken agkampoda iti aglikmut ti toldak.

13 Inyadayona kaniak dagiti kakabsatko,

Ket binaybay-andakon dagiti makaam-ammo kaniak.+

14 Awanen dagiti nadekket a kakaduak,*

Ken nalipatandakon dagiti am-ammok la unay.+

15 Didak am-ammon dagiti bisitak+ ken adipenko a babbai;

Ibilangdakon a ganggannaet.

16 No ayabak ti adipenko, saannak nga ikaskaso;

Uray pay no agpakpakaasiak kenkuana.

17 Kaguran ni baketko ti mismo a sang-awko,+

Ken nabangsitakon kadagiti kakabsatko.*

18 Uray dagiti ubbing lalaisendak;

No bumangonak, irugidan ti manguyaw kaniak.

19 Kaariekdak ti amin a nadekket a gagayyemko,+

Tinallikudandak dagiti ipatpategko.+

20 Kudil ken tultulang laengen ti nabati iti bagik,+

Dandanin diak malasatan ni patay.

21 Kaasiandak, gagayyemko, kaasiandak,

Ta ti mismo nga ima ti Dios ti nangsagid kaniak.+

22 Apay nga idaddadanesdak a kas iti ar-aramiden ti Dios,+

Didak pay la aya sardengan a padpadaksen?*+

23 No maisurat la koma dagiti ibagbagak,

No maisurat la koma dagita iti maysa a libro!

24 No la koma agnanayon a maikitikit dagita iti dakkel a bato,

Babaen ti landok a pagsurat ken buli!

25 Ta ammok a sibibiag ti mangsubbot*+ kaniak;

Umayto met laeng ken bumangon iti rabaw ti daga.*

26 Uray no marunoten ti kudilko,

Sibibiagakto pay laeng a makakita iti Dios,

27 Makitakto a mismo isuna,

Makitanto dagiti mismo a matak, saan a dagiti mata ti sabali.+

29 Agbutengkayo iti espada,+

Ta espada ti mangdusa kadagiti nagkamali,

Masapul a maammuanyo nga adda maysa nga ukom.”+