Job

 3 Baliktaden aya ti Dios ti hustisia,

Wenno killuen aya ti Mannakabalin-amin ti kinalinteg?

 4 No nakabasol kenkuana dagiti annakmo a lallaki,

Impalubosna a madusada gapu iti panagrebeldeda;*

 5 Ngem no la koma nagpannurayka iti Dios,+

Ken impakaasim iti Mannakabalin-amin a paborannaka,

 6 Ken no talaga a napudno ken nalintegka,+

Inasikasonaka koma*

Ken insublinaka iti rumbeng nga ayanmo.

 7 Ken uray no bassit ti nangrugiam,

Dakkelto ti masakbayam.+

 8 Pangngaasim ta isaludsodmo iti napalabas a henerasion,

Ket panunotem dagiti nasursuro dagidi ammada.+

 9 Ta idi kalman laeng a nayanaktayo, awan ammotayo,

Ta ti biagtayo ditoy daga ket maysa nga anniniwan.

10 Saandanto aya nga isuro kenka

Ken ibaga dagiti ammoda?*

12 Bayat nga agbusbusel pay laeng, ken saan pay a naputed,

Umun-unan a magango ngem iti dadduma a mula.

13 Kasta ti pagbanagan* ti amin a mangliplipat iti Dios,

Ta mapukawto ti namnama dagiti rebelioso,*

14 Nga agtaltalek iti awan serserbina

Ken kadagiti banag a nalaka a madadael a kas iti saput* ti lawwalawwa.

15 Agsanggirto iti balayna, ngem marbanto dayta;

Padasennanto ti kumpet, ngem marsuodto dayta.

16 Kapadana ti nasibugan a mula iti kainitan,

Nga agsaknap dagiti saringitna iti hardin.+

17 Kumpet ken agwaras dagiti ramutna iti nabunton a batbato;

Agbirok iti balayna iti kabatuan.*

18 Ngem inton maparut* iti ayanna,

Ilibakto ti disso a nagtubuanna: ‘Saanka a pulos a nakitkita.’+

19 Wen, kasta ti pannakapukawna;*+

Ket addanton sabali nga agtubo iti dayta a daga.

20 Sigurado a saan nga ilaksid ti Dios dagiti kanayon nga awan pagkuranganna;

Saannanto met a suportaran* dagiti managdakdakes,

21 Ta punnuennanto iti katawa ti ngiwatmo

Ken punnuennanto iti naragsak a riaw ti bibigmo.

22 Maibabainto dagidiay manggurgura kenka,

Ket mapukawto ti tolda dagiti managdakdakes.”