Uk-ukom

 2 “Idaydayawyo ni Jehova,

Ta nagboluntario ti Israel+

Gapu kadagiti mannakigubat a nakawakray ti buokda!

 4 O Jehova, idi pinanawam ti Seir,+

Idi napanka iti teritoria ti Edom,

Nagunggon ti daga, nagtudo ti langit,

Nangibuyat dagiti ulep iti danum.

 5 Nargaay* dagiti bantay iti sango ni Jehova,+

Uray ti Sinai iti sango ni Jehova+ a Dios ti Israel.+

 6 Idi tiempo ni Samgar+ nga anak ni Anat,

Idi tiempo ni Jael,+ awan ti agbibiahe iti dadakkel a kalsada;

Agbiaheda iti babassit a kalsada.

 7 Awanen* dagiti agnanaed kadagiti purok ti Israel;

Awanda agingga a siak, ni Debora,+ immayak,

Agingga nga immayak kas ina ti Israel.+

 8 Nangpilida kadagiti sabali a dios;+

Adda gubat kadagiti ruangan.+

Awan ti makita a kalasag, wenno gayang,

Iti 40,000 a lallaki iti Israel.

 9 Addaak iti dasig dagiti komander ti Israel,+

A nagboluntario a kadua dagiti umili.+

10 Dakayo a nakasakay iti kayumanggi nga asno,

Dakayo a nakatugaw iti nangina a karpet,

Ken magmagna iti kalsada,

Panunotenyo daytoy:

11 Mangmangngeg ti timek dagiti agsaksakdo iti inumen dagiti animal;

Pagsasaritaanda dagiti nalinteg nga aramid ni Jehova,

Dagiti nalinteg nga aramid dagiti agnanaed iti Israel.

13 Dagidiay nakalasat napanda kadagiti prinsipe;

Immay kaniak ti ili ni Jehova a makilaban kadagiti kabusor.

14 Naggapuda idiay Efraim, nga agnanaed iti tanap;*

Sursurotendaka, O Benjamin, a kaduada dagiti tattaom.

Simmalog dagiti komander manipud Makir,+

Ken dagiti mangig-iggem iti sarukod* manipud Zabulon.

15 Kimmuyog ken Debora dagiti prinsipe ti Isacar,

Kasta met ti Isacar, ken Barak.+

16 Apay a nakatugawka iti dua a silia,

A dumdumngeg iti panagpito dagiti pastor?+

17 Nagtalinaed ti Gilead iti ballasiw ti Jordan;+

Ken apay a nagbati ti Dan kadagiti barko?+

Nakatugaw lattan ti Aser iti igid ti baybay,

Ken nagtalinaed kadagiti sangladanna.+

18 Inrisgo dagiti umili ti Zabulon ti biagda;*

Kasta met ti Neftali,+ nga adda kadagiti turod.+

19 Immay dagiti ari, ket nakilabanda;

Nakilaban dagiti ari ti Canaan+

Idiay Taanak, iti asideg dagiti danum ti Megiddo.+

20 Manipud langit nakilaban dagiti bituen;

Nakilabanda ken Sisera manipud kadagiti pagrikusanda.

21 Ti napegges nga ayus* ti Kison inyanudna dagiti kabusor,+

Wen, ti napegges nga ayus,* ti ayus* ti Kison.

22 Dumanapeg ti saka dagiti kabalio a pakigubat

Bayat nga agtartarayda a sipapartak.+

23 ‘Ilunodyo ti Meroz,’ kinuna ti anghel ni Jehova,

‘Wen, ilunodyo dagiti agnanaed sadiay,

Ta saanda a tinulongan ni Jehova,

Saanda a nakilaban para ken Jehova.’

24 Ni Jael+ ti napadayawan unay kadagiti babbai,

Ti asawa ni Heber+ a Keneo;

Isu ti kararagsakan kadagiti babbai nga agnanaed iti tolda.

26 Nangala iti pasok ti tolda,

Iniggaman ti kannawan nga imana ti martilio ti trabahador.

Minartiliona ti ulo ni Sisera ket naburak,

Ken minalo ken linussokna ti pispisna.+

27 Nagkuyegyeg iti baet dagiti saka ni Jael; ket napaidda;

Natumba iti sakaananna;

Natay iti mismo a nakatumbaanna.

28 Tumantan-aw iti tawa ti maysa a babai,

Simmirip ti ina ni Sisera iti rehas,

‘Apay ngata nga awan pay ti karuahena?

29 Simmungbat kenkuana dagiti kasisiriban a babbai;

Wen, maulit-ulit nga imbagana iti bagina,

30 ‘Madamada la ketdi a pagbibingayan dagiti naalada,

Maysa a babai,* dua a babbai,* iti tunggal soldado,

Dekolor a lupot para ken Sisera, wen, dekolor a lupot,

Maysa a nabordaan a bado, dekolor a lupot, dua a nabordaan a bado

Para iti tengnged dagiti nakigubat.’

31 Mapapatay koma ti amin a kabusormo,+ O Jehova,

Ngem agbalin koma a kas iti sumingsingising a naraniag nga init dagidiay mangay-ayat kenka.”