Salmo

9 O Jehova, idaydayawkanto iti amin a pusok;

Ipakaammokto ti amin a nakaskasdaaw nga aramidmo.+

 2 Agrag-o ken agragsakakto kenka;

Agkantaakto iti panangidaydayaw* iti naganmo, O Kangatuan.+

 3 Inton umatras dagiti kabusorko,+

Matumba ken mataydanto iti imatangmo.

 4 Ta idepensam ti umiso a kalintegak;

Agtugawka iti tronom a mangukom a sililinteg.+

 5 Tinubngarmo dagiti nasion+ ken dinadaelmo dagiti managdakdakes,

Pinunasmo dagiti naganda iti agnanayon nga awan inggana.

 6 Namimpinsan a nadadael dagiti kabusor;

Pinarutmo dagiti siudadda,

Mapukawto ti amin a pakalaglagipan kadakuada.+

 7 Ngem agnanayon ni Jehova iti tronona;+

Sititibker nga insaadna ti tronona para iti hustisia.+

 8 Nalinteg ti panangukomna kadagiti tattao iti daga;*+

Kadagiti nasion, nalinteg dagiti desision nga ipatungpalna.+

 9 Ni Jehova ket natalged a pagkamangan dagiti mairurumen,+

Natalged a pagkamangan kadagiti tiempo ti rigat.+

10 Dagidiay makaammo iti naganmo ket agtalekto kenka;+

Dimonto baybay-an dagidiay mangbirbirok kenka, O Jehova.+

11 Agkantakayo iti panangidaydayaw ken Jehova nga agnanaed iti Sion;

Ipakaammoyo dagiti aramidna kadagiti nasion.+

12 Ta laglagipen ida Daydiay mangibales iti darada;+

Saanna a malipatan ti sangit dagiti marigrigatan.+

13 Kaasiannak, O Jehova; kitaem ti panangparigat kaniak dagiti gumurgura kaniak,

Sika a mangaon kaniak iti ruangan ni patay,+

14 Tapno maipakaammok dagiti nagsayaat nga aramidmo kadagiti ruangan ti anak a babai ti Sion,+

Ket agragsakak gapu kadagiti panangisalakanmo.+

15 Natnag dagiti nasion iti abut a kinalida;

Nasiluan dagiti sakada iti silo nga impakatda.+

17 Iti Tanem* ti papanan dagiti managdakdakes,

Uray dagiti nasion a manglipat iti Dios.

18 Ngem saan nga agnanayon a mabaybay-an dagiti napanglaw,+

Ti namnama dagiti naemma ket saanto a pulos mapukaw.+

20 Pagbutngem ida, O Jehova,+

Tapno mabigbig dagiti nasion a tattaoda laeng. (Selah)