Natnatay Gapu iti Tabako Idiay Grecia

BABAEN ti panangusarna iti titulo ti maysa a nalatak a kanta a Griego, maysa a reporter ti nagsurat a buyogen iti panangsair: “Wen, ‘Pulos a Saan a Matay ti Grecia,’ ngem matay dagiti Griego.”

“Sangapulo ribo a tattao ti matay iti tinawen manipud iti panagsigarilio, iti pagiliantayo laeng,” kuna ti maysa nga artikulo iti pagiwarnak iti Athens nga Eleftheros Typos. Dadduma ti mamati a ti pudno a bilang dagiti matmatay gapu iti tabako ti mabalin a mamindua pay ti kaaduna. Ti Grecia ket maysa a pagilian nga agmulmula iti tabako, ket ti panagsigarilio kumarkaro nga ugali dagiti Griego nupay adu dagiti nabiit pay a report a naisurat maipapan iti peggad iti panagsigarilio.