Panid Dos

Ngangngani tunggal kaputotan nakapatauden kadagiti padpadtona maipapan iti kinaasidegen ti panungpalan ti lubong.

Dayta kadi, ngarud, kaipapananna nga awan ti pangibatayan dagiti Saksi ni Jehova iti iyan-anunsioda nanipud pay idi 1914​—maysa a panungpalan daytoy a sistema ti lubong ken ti umay a baro a sistema ti lubong a mamagbalin iti daga a maysa a paraiso? Dayta kadi ket maysa laeng a di umiso a panangipatarus? Iti kasumbangirna, no umiso dagiti Saksi ni Jehova, kasano ti panangapektarnanto kadakayo?

Dagiti sungbat kadagitoy a salsaludsod naskenda kadatayo amin, nangnangruna itan ta agbibiagtayo iti naisangsangayan a panawen iti historia, ti nuklear a panawen, a sadiay ti tao iti damdamo unay maikunadan, “Mabalin nga awanto dagiti annak wenno appoko.”