Naitantan a Mall

Ti nabiit pay a cartoon iti “Scranton Times,” iti Scranton, Pennsylvania, ti nangaramid iti maysa a komento maipapan iti nabayagen a pannakaitantan iti pannakakompleto dagiti plano a maipaay iti paggatangan a mall. Maysa a karakter ti nagkuna iti sabali: “Kasla agnanayonen ti panangirugi iti mall!” isu a simmungbat met ti sabali: “Masapul nga awaganda dayta ‘ti Downtown Mall Kingdom Hall!’ Ibangonto dagiti Saksi ni Jehova dayta iti 3 nga aldaw!”

Kadagiti adu a pagpagilian dagiti Saksi ni Jehova nasaknap nga aglatlatakda gapu kadagiti ginasgasut a dagus a maibangon a Kingdom Halls. Dagitoy addaanda kadagiti naisangsangayan ti pannakasanayna a trepolante iti panagibangon ken addaanda iti nasakbay a panagplano. Kas resultana, dagiti Kingdom Halls ti maibangbangon manipud 30 nga or-oras agingga iti 4 nga aldaw. Ket madmadlaw dagiti tattao dayta.