Pannakaammo iti Kaudian a Damdamag ken Paspasamak iti Panawentayo
Naawat ti sanga nga opisina dagiti Saksi ni Jehova idiay Alemania ti maysa a surat manipud iti 77 años a Katoliko a monghe. Inlawlawagna:
“Sipud idi nagserra ti monasteriok gistay 25 a tawen ti napalabasen, agnanaedakon iti pagtaengan dagiti lallakay/babbaket. Diak umannugot iti amin a patpatienyo, ngem ti nabasak ita iti Pagwanawanan ti mangtignay kaniak nga umannugot nga addaankay iti pannakaammo iti kaudian a damdamag ken paspasamak iti panawentayo. Pudno nga agwanwanawankayo, a tungtungpalenyo ti panggep a nailanad idiay panid 2 a ‘sipsiputan dayta ti paspasamak iti lubong bayat a tungtungpalen dagitoy ti padto ti Biblia.’
“Situtured ken siuumiso nga ilawlawagyo dagiti sasao ni Pablo idiay 1 Tesalonica 5:3: ‘Inton sasawenda: “Talna ken talged!” isunto met ti yaay kadakuada ti kellaat a pannakadadaelda.’ Awan ti kasta a pannakailawlawag a masarakak iti simbaanmi. Saan a masuppiat ti maysa a tao dagiti gapuanan ti nasantuan nga espiritu nga adda kadagiti Saksi ni Jehova. . . . Maragsakanakto a mangbasa a kanayon kadagiti magasinyo.”
Babaen panangsurotyo iti ulidan daytoy a monghe a Katoliko, mabalinyo met nga adalen ti ad-adu pay no kasano a tungtungpalen dagiti paspasamak ti lubong dagiti padto ti Biblia ken no kasano a ti Pagarian ti Dios dadaelennanto dagiti managdakdakes ken mangbuangay iti sangalubongan a paraiso.
No kayatyo ti ad-adu pay nga impormasion wenno libre a panagadal ti Biblia iti pagtaenganyo a kadua ti maysa a Saksi ni Jehova, pangngaasiyo ta agsuratkayo iti Watch Tower, P. O. Box 2044, 1099 Manila, wenno iti maitutop a direksion a nailista idiay panid 5.
[Ladawan iti panid 32]
THE WATCHTOWER
Peace and Security
The Bible’s view