“Umasping Daytoy iti Libro a Kayatko a Basaen a Mismo”
Ni Jessica, maysa a 16-años nga estudiante iti high school iti Siudad ti Nueva York, nagsurat iti Agriingkayo!: “Adda mannursurok iti historia a dida kaykayat. Tinudinganna ti klase nga agsirarak maipapan iti ‘Dagiti Nalatak a Relihion.’ Ti grupok ket nagsirarak maipapan iti Islam. Diak nadanagan ta addaanak iti libro a Panangbiruk ti Tao iti Dios. Insaganak ti kasayaatan a report a kabaelak nga iparang.
“Dimteng ti aldaw nga ibasan ti grupomi ti report. Singaen ken bugkawan ti mannursuro dagiti estudiante, gapuna medio bimdengak. Idi siakon ti naayaban, imbagak iti klase dagiti naisangsangayan a sursuro ti Islam. Impasak ti libro a Panangbiruk, ket imbagak iti klase a kitaenda dagiti ladawan iti panid 286 ken 289. Idi inukrad ti mannursurok ti libro, kinunana, ‘Agurayka, librom kadi daytoy? Mabalin aya a kukuak laengen?’ Insungbatko, ‘Mabalin nga iyalaankayo ti kopiayo no kayatyo.’ Naragsakan, ket kinunana: ‘Nagsayaaten. Umasping daytoy iti libro a kayatko a basaen a mismo.’ Anian a ragsak ken siddaawko, uray la a natikawak iti dadduma a reportko.
“Inikkannak ti maysa kadagiti kangatuan a marka iti klase (95) iti dayta a report. Agyamanak la unay ken Jehova a Dios ken kadakayo kakabsat gapu ti panangipaayyo kadakami iti kasta a nakapatpateg a reperensia kas ti Panangbiruk ti Tao iti Dios.”
No tarigagayanyo ti ad-adu pay nga impormasion maipapan iti aniaman a tema a nadakamat iti daytoy a magasin wenno tarigagayanyo ti libre a panagadal ti Biblia iti pagtaenganyo, pangngaasiyo ta agsuratkayo iti Watch Tower, P. O. Box 2044, 1099 Manila wenno iti kaasitgan a direksion a nailista iti panid 5.
[Ladawan iti panid 32]
PANANGBIRUK TI TAO ITI DIOS