Naammuan ti Maysa a Monghe ti Kinapudno

Idiay Djibouti, Africa, nakagun-od ti maysa a Katoliko a monghe nga agnagan ti Louis Pernot iti libro a Ti Kina-agtutuboyo​—Pananggun-od ti Kasayaatan iti Dayta manipud iti maysa kadagiti Saksi ni Jehova. Ni Louis, a prinsipal ti maysa nga eskuelaan a Katoliko, masansan a nagpampanunot no apay a ti relihionna di mangiparang iti nalawag nga impormasion a tumulong kadagiti agtutubo kadagiti parikutda.

Iti karabian ti aldaw [a pannakaawatna iti libro] rinugian ni Louis a binasa ti libro a Kina-agtutubo. Kinapudnona, interesado unay iti dayta ta dina maisardeng ti mangbasa iti dayta. Pinanunotna a ti pudno a relihion rumbeng a mangipaay iti nasayaat a panangiwanwan kadagiti tattao a dina ikompromiso dagiti sursuro ti Biblia, ket ita nasarakannan ti kasta a libro!

Iti sumaganad nga aldaw imbaga ni Louis iti Saksi a nangited ti libro kenkuana a nasarakannan ti kinapudno. Iti dayta met la a lawas, saan la a nagikkat iti kinamonghe no di ket nagikkat met iti kina-Katoliko. Isut’ nagbalin a maysa a Saksi ni Jehova ket rinugianna nga insuro ti kinapudno ti Biblia a naammuanna.

Dagiti Saksi ni Jehova ket maysa nga internasional nga organisasion a nasurok nga uppat a milion nga estudiante ti Biblia a napasnek a tumultulong kadagiti tattao a mangammo iti ad-adu pay maipapan iti pangpanggep ti Dios. No kayatyo ti maaddaan iti ad-adu pay nga impormasion wenno ti libre a pannakiadal ti Biblia iti maysa kadagiti Saksi ni Jehova idiay pagtaenganyo, pangngaasiyo ta agsuratkayo iti Watch Tower Society, P.O. Box 2044, 1099 Manila, wenno iti maitutop a direksion iti panid 5.