Ti Karit ti Panangaywan Kadagiti Annak
Ti Britania ket maysa a nabaknang a pagilian iti di Komunista nga Europa. Nupay kasta, mapattapatta a kada tawen, nasurok a 100,000 kadagiti annakna—mamindua nga ad-adu ngem iti dati a pagarup—ti agtalaw manipud pagtaenganda. Kas resulta, 1 iti kada 7 ti agsagaba iti pannakadangran wenno seksual a pannakaraut.
“No marikna dagiti annak a maipupuera ken mabaybay-anda, kasla agbalinen a solusion ti panagtalawda,” kuna ni Ian Sparks, hepe ehekutibo ti Children’s Society, sana innayon: “Daytoy nga isyu apektaranna ti annak a naggapu iti amin a kasasaad ti panagbiag—dandani kanayon nga annak dagiti babaknang ti posible nga agtalaw a kas met laeng kadagiti annak dagiti napanglaw iti aduan tao a paset ti siudad.”
Nadagsen a rebbengen ti panangaywan ken panangsanay kadagiti annak. Pakagun-odan ngay iti tulong? Nadisenio ti publikasion a Ti Sekreto ti Kinaragsak iti Pamilia a mangipaay iti daytoy a kasapulan. Adtoy ti karaman kadagiti 16 a kapitulona: “Sanayenyo ti Anakyo Manipud Kinamaladaga,” “Tulonganyo ti Tin-edyeryo a Rumang-ay,” ken “Salaknibanyo ti Pamiliayo Kadagiti Makadadael nga Impluensia.” Amin dagiti 16 a kapitulo iti libro ket addaan kadagiti praktikal a pammagbaga ken napatpateg pay, usarenda ti Biblia kas gubuayan ti natantan-ok a kinasirib ngem iti kinasiribtayo.
Mabalinmo ti agkiddaw iti kopia Ti Sekreto ti Kinaragsak iti Pamilia babaen ti panangsurat ken panangibusonmo iti naipakuyog a kahon iti address a makita iti kupon wenno iti maitutop nga address iti panid 5 daytoy a magasin.
□ Kayatko ti maaddaan iti libro a Ti Sekreto ti Kinaragsak iti Pamilia.
□ Interesadoak iti libre a panagadal iti Biblia iti pagtaengan.