Dagiti Mapa Katulongan iti Panagbasa iti Biblia

No mabasam iti Biblia ti maipapan kadagiti tattao ken luglugar a dinaliasatda, ikagkagumaam kadi nga iladawan iti panunotmo ti ruta a linasatda wenno ti lugar a napananda? Ita, babaen iti nabiit pay a naipablaak a broshur dagiti mapa iti Biblia a ‘Kitaem ti Nasayaat a Daga,’ mabalinmon a nayonan ti dati a pannakaammom iti geograpia iti Biblia.

Kastoy ti inlawlawag ti maysa a babai a taga Ireland a nakaawat iti broshur a ‘Kitaem ti Nasayaat a Daga’: “No agbasbasaak iti Biblia iti tunggal agsapa, us-usarek a naimbag ti broshurko. Makaparagsak a tuntonen ti dinaliasat idi dagiti mammadto ken ar-ari bayat a pampanunotek dagiti rigatda a nagdaliasat, ti kaadayo ti dinaliasatda, ken dagiti lugar a nagnaedanda. Isursuratko dagiti bukodko a komento kadagiti mapa bayat nga itultuloyko ti agbasa. Addaak pay laeng iti Hebreo a Kasuratan ngem magagaranakon a mangbasa iti Griego a Kasuratan.”

Mabalinmo ti agkiddaw iti 36 ti panidna a de kolor a broshur a napauluan iti ‘Kitaem ti Nasayaat a Daga.’ Suratam laeng ti naipakuyog a kupon ken ibusonmo dayta iti nadakamat nga adres wenno iti maitutop nga adres a nailista iti panid 5 daytoy a magasin.

□ Kayatko ti maaddaan iti broshur a ‘Kitaem ti Nasayaat a Daga.’

□ Interesadoak iti libre a panagadal iti Biblia.

[Picture Credit Line iti panid 32]

Naapres a ginget ken akkub ti broshur: Pictorial Archive (Near Eastern History) Est.